Mumbai Monsoon Update: मुंबईसह ठाणे, कल्याण, डोंबिवलीत मुसळधार पाऊस, मध्य रेल्वेची लोकल 15 मिनिटे उशिराने
गणपती बाप्पाचे आगमन धुमधडाक्यात झाले असले तरीही रविवारपासून सुरु झालेल्या पावसाने चांगलाच जोर पकडल्यामुळे गणेश भक्तांच्या आनंदावर थोडे विरजण पडल्याचे पाहायला मिळत आहे. तसेच सोमवारी रात्री पासून पावसाची कोसळधार सुरु असल्याने मध्य रेल्वेची लोकल आज 15 मिनिटे उशिराने धावत आहे.
Monsoon 2019: गणपती बाप्पाचे आगमन धुमधडाक्यात झाले असले तरीही रविवारपासून सुरु झालेल्या पावसाने चांगलाच जोर पकडल्यामुळे गणेश भक्तांच्या आनंदावर थोडे विरजण पडल्याचे पाहायला मिळत आहे. तसेच सोमवारी रात्री पासून पावसाची कोसळधार सुरु असल्याने मध्य रेल्वेची (Central Railway) लोकल आज 15 मिनिटे उशिराने धावत आहे. मुंबईसह ठाणे (Thane), कल्याण (Kalyan), डोंबिवली (Dombivali) भागात मुसळधार पाऊस सुरु असून अनेक भागांत पाणी साचण्यास सुरुवात झाली आहे.
मुंबईतही पावसाचा जोर कायम असून मुंबईतील सखल भाग असलेल्या दादर, हिंदमाता आणि सायन परिसरात अनेक ठिकाणी पाणी साचले आहे. दादर, अंधेरी, मिरारोड, वसई, पालघर, ठाणे, कल्याण, डोंबिवली आणि नवी मुंबईत पावसाचा जोर कायम आहे.
मुंबई, ठाणे आणि पालघर परिसरांत रात्रीपासून पावसाला सुरूवात झाली असली तरी पहाटे ४ वाजता पावसाचा जोर काहीसा कमी झाला होता. मात्र पुन्हा सकाळी पावसाचा जोर वाढल्याने मुंबईतील अनेक सखल भागांमध्ये पाणी साचण्यास सुरुवात झाली.
पावसाचा जोर असाचा कायम राहिला तर आज दीड दिवसांच्या घरगुती बाप्पांच्या विसर्जन सोहळ्यात विरजण पडण्याची शक्यता आहे. त्यामुळे सर्व पोलिस यंत्रणा आणि वाहतूक यंत्रणेला विशेष खबरदारी घ्यावी लागणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)