Mumbai Building Slab Collapse: मुंबईत चार मजली इमारतीचा स्लॅब कोसळला, जीवितहानी नाही, मोठी दुर्घटना टळली

Mumbai Building Slab Collapse: गुरुवारी दक्षिण मुंबईतील ग्रँट रोड परिसरात चार मजली इमारतीच्या दोन मजल्यांचा स्लॅब कोसळला. अशी माहिती अधिकाऱ्यांनी दिली आहे. मौलाना शौकत अली रोडवरील शालीमार हॉटेलजवळ असलेल्या युनायटेड चेंबर्स बिल्डिंगमध्ये सकाळी 10.18 च्या सुमारास घडलेल्या या घटनेत अद्याप कोणतीही जीवितहानी झाल्याचे वृत्त नाही, असे अधिकाऱ्यांनी सांगितले. महापालिकेच्या एका अधिकाऱ्याने सांगितले की, प्राथमिक माहितीनुसार इमारतीच्या दुसऱ्या आणि चौथ्या मजल्याचा स्लॅब कोसळला. महानगरपालिकेच्या अधिकाऱ्याने सांगितले की, कोणीतरी फोन करून अधिकाऱ्यांना घटनेची माहिती दिली, परंतु अद्याप संपूर्ण माहिती मिळणे बाकी आहे. हे देखील वाचा: PM Narendra Modi 'लाडक्या बहिणींच्या' भेटीसाठी 5 ऑक्टोबरला ठाण्यात; Mukhyamantri Ladki Bahin Yojana कार्यक्रमात पहिल्यांदाच होणार थेट सहभागी

शोध आणि बचाव कार्य सुरू असल्याचे अधिकाऱ्यांनी सांगितले. ते म्हणाले की अग्निशमन विभाग, पोलीस, बृहन्मुंबई विद्युत पुरवठा आणि परिवहन (बेस्ट), 108 रुग्णवाहिका आणि बृहन्मुंबई महानगरपालिकेचे प्रभाग कार्यालय कर्मचारी यासह अनेक यंत्रणा बचाव कार्यात गुंतलेली आहेत.