MPSC Exam: लोकसेवा आयोगाकडून राज्यसेवा पूर्व परीक्षेची सुधारित वेळापत्रक जाहीर; नवीन तारीख घ्या पाहून

लोकसेवा आयोगाकडून सुधारित वेळापत्रक जाहीर करण्यात आले आहे. त्यामुळे, आता नव्या तारखेनुसार महाराष्ट्र राज्यसेवा पूर्व परीक्षेसाठी 2024 ची परीक्षा शनिवार, दिनांक 6 जुलै, 2024 रोजी आयोजित करण्यात आली आहे.

MPSC Exam : लोकसेवा आयोगाकडून सुधारित वेळापत्रक(Revised schedule)जाहीर करण्यात आले आहे. त्यामुळे, आता नव्या तारखेनुसार महाराष्ट्र राज्यसेवा पूर्व परीक्षा(MPSC Exam)2024 साठीची परीक्षा शनिवार, दिनांक 6 जुलै, 2024 रोजी आयोजित करण्यात आली आहे. विविध संवर्गातील एकूण 524 पदांचा सुधारित तपशील आयोगाच्या संकेतस्थळावर देण्यात आला आहे, अशी माहिती आयोगाने दिली आहे. मराठा आरक्षणाच्या मुद्द्यावरून ही परिक्षा पुढ ढकलण्यात आली आहे. राज्य सरकारने मराठा आरक्षणाचा निर्णय घेतला आहे. ज्यात मराठा समाजाच्या विद्यार्थ्यांना स्वतंत्र 10 टक्के आरक्षण देण्याचा निर्णय घेण्यात आला आहे. त्यामुळे ही परीक्षा पुढे ढकलण्यात आलेली होती. (हेही वाचा:MPSC Exam Postponed: लोकसभा निवडणूकीमुळे 'एमपीएससीच्या' परिक्षा लांबणीवर, आयोगाकडून माहिती )

राज्यसेवा पूर्व परीक्षेसाठी २९ डिसेंबर २०२३ रोजी जाहिरात प्रसिद्ध करण्यात आली होती. ज्यात 274पदांसाठी 28 एप्रिल 2024 रोजी परीक्षा घेण्यात येणार होती. मात्र आयोगाकडून आता नव्याने वेळापत्रख जाहीर करण्यात आले आहे. आयोगाने 21 मार्च 2024 रोजी प्रसिद्धीपत्रकाद्वारे सदर परीक्षा पुढे ढकलण्यात आल्याचे जाहीर केले. त्यानुसार आता शनिवार, दि. 6 जुलै 2024 रोजी राज्यसेवा पूर्व परीक्षा घेण्यात येणार आहे.

अर्ज सादर करण्याचा कालावधी

09 मे, 2024 रोजी दुपारी 2 वाजल्यापासून ते दिनांक 24 मे, 2024 रोजी 11 पर्यंत अर्ज भरता येणार आहेत. भारतीय स्टेट बँकेमध्ये चलनाद्वारे परीक्षा शुल्क भरण्यासाठी चलनाची प्रत घेण्याची मुदत 26 मे, 2024 रोजी 11 पर्यंत आहे. चलनाद्वारे परीक्षा शुल्क भरण्याची अंतिम मुदत 27 मे, 2024 रोजी पर्यंत आहे.