MHADA Lottery in March: खुशखबर! मार्चमध्ये निघणार मुंबईमधील घरांसाठी म्हाडाची लॉटरी; 31 जानेवारीपूर्वी करावी लागेल नोंदणी
म्हाडाच्या घरासाठी तुम्ही अधिकृत वेबसाईटवर अर्ज करू शकता. या मुंबईमधील घरांसाठी नोंदणी 31 जानेवारीपूर्वी पूर्ण करावी लॉटरी नोंदणी शुल्क उत्पन्न गटावर अवलंबून असेल. दरम्यान, म्हाडाचे घर मिळण्याची प्रक्रिया आता सोपी झाली आहे. म्हाडाने कागदपत्रांची संख्या 21 वरून केवळ सहा ते सात करून प्रक्रिया सुलभ केली आहे.
मार्चमध्ये, मुंबई गृहनिर्माण आणि क्षेत्र विकास मंडळ (MHADB) सुमारे 4,000 घरांच्या विक्रीसाठी लॉटरी काढणार आहे. लॉटरीच्या सोडतीचा तपशील गृहनिर्माण विभागाच्या अधिकाऱ्यांनी शुक्रवारी शेअर केला. युनिट्सचा मोठा भाग लिंक रोडवरील गोरेगाव पश्चिम येथील पहाडी भागात (सुमारे 2,200 घरे) असेल आणि उर्वरित भाग पवई, सायन, बोरिवली इत्यादी भागात असेल.
आर्थिकदृष्ट्या दुर्बल विभाग (EWS), निम्न उत्पन्न गट (LIG), मध्यम उत्पन्न गट (MIG) आणि उच्च उत्पन्न गट (HIG) या चारही उत्पन्न गटाअंतर्गत घरे उपलब्ध असतील.
विकल्या जाणार्‍या 4,000 घरांपैकी अंदाजे 60% घरे आर्थिकदृष्ट्या दुर्बल विभाग आणि निम्न उत्पन्न गट श्रेणींमध्ये उपलब्ध असतील. उर्वरित 40 % एमआयजी आणि एचआयजीसाठी असतील. ईडब्ल्यूएस आणि एलआयजी श्रेणीतील फ्लॅट्सची किंमत अनुक्रमे 35 लाख आणि 45 लाख असेल. एमआयजी आणि एचआयजीसाठी अपार्टमेंटच्या किमती अजून ठरलेल्या नाहीत.
या लॉटरीमुळे खाजगी विकासकांकडे उपलब्ध असलेल्या निवासस्थानांच्या विक्रीत तात्पुरता अडथळा येण्याची शक्यता आहे. म्हाडाच्या घरासाठी अर्ज करताना अर्जदाराला सर्व कागदपत्रे सादर करावी लागतील. अपात्र सबमिशन फिल्टर करण्यासाठी आणि अर्जदारांची अंतिम यादी तयार करण्यासाठी सॉफ्टवेअर तयार केले गेले आहे. विजेत्यांनी लॉटरीच्या 30-45 दिवसांच्या आत पैसे भरणे आणि अपार्टमेंटचा ताबा घेणे आवश्यक आहे. पूर्वी पैसे भरणे आणि ताब्यात घेणे या संपूर्ण प्रक्रियेसाठी किमान 4-5 महिने लागायचे.
म्हाडाच्या घरासाठी तुम्ही अधिकृत वेबसाईटवर अर्ज करू शकता. या मुंबईमधील घरांसाठी नोंदणी 31 जानेवारीपूर्वी पूर्ण करावी लॉटरी नोंदणी शुल्क उत्पन्न गटावर अवलंबून असेल. दरम्यान, म्हाडाचे घर मिळण्याची प्रक्रिया आता सोपी झाली आहे. म्हाडाने कागदपत्रांची संख्या 21 वरून केवळ सहा ते सात करून प्रक्रिया सुलभ केली आहे. त्यामुळे प्रदीर्घ आणि त्रासदायक प्रक्रियेतून नागरिकांना मोठा दिलासा मिळणार आहे. (हेही वाचा: Cyber Crime: ट्रान्सफॉर्मर देण्याच्या बहाण्याने मुंबईतील व्यक्तीची फसवणूक, 1.3 लाखांचा लावला चूना)
म्हाडाचे घर घेण्यासाठी यासाठी तुम्हाला ओळख पुरावा- आधार कार्ड, स्वयंघोषणा (Self Declaration), सध्याच्या वास्तव्याचा पुरावा, महाराष्ट्र राज्य अधिवास प्रमाणपत्र, उत्पन्नाचा पुरावा, जात प्रमाणपत्र किंवा जात पडताळणी प्रमाणपत्र तसेच इतर श्रेणीनिहाय प्रमाणपत्र अशी कागदपत्रे सादर करणे गरजेचे आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)