MHADA Lottery: म्हाडा लॉटरी, फक्त 12 लाख रुपयांमध्ये घर, घ्या अधिक जाणून
मुंबई महापालिका म्हाडाच्या माध्यमातून घरे उपलब्ध करुन देत आहे. ही घरे बीएमसी कर्मचाऱ्यांसाठी असून केवळ 12 लाख रुपयांमध्ये उपलब्ध असणार आहेत.
महाराष्ट्र गृहनिर्माण आणि क्षेत्र विकास प्राधिकरण अर्थात म्हाडा (MHADA) नागरिकांना स्वस्त दरात घरे उपलब्द करुन देणारी संस्था म्हणून ओळखली जाते. म्हाडाची विविध मंडळे नेहमीच लॉटरी (MHADA Lottery) काढतात. ज्याद्वारे नागरिकांना आपल्या आवाक्यातील किमतीमध्ये हक्काची घरे खरेदी करता येतात. आता सुद्धा म्हाडाच्या मुंबई मंडळाने (Mhada Mumbai Mandal) अशीच योजना आणली आहे. जी केवळ मुंबई महापालिकेच्या तृतीय आणि चतुर्थ श्रेणीत काम करणाऱ्या कर्मचाऱ्यांसाठी असणार आहे. मुंबई महापालिका प्रशासनाने म्हाडाच्या धर्तीवर घरे विकण्याचा निर्णय घेतला आहे. विशेष उल्लेखनीय असे की, म्हाडाची घरे आता केवळ 12 लाख रुपयांमध्ये उपलब्ध असणार आहेत.
BMC कर्मचाऱ्यांसाठी सुवर्णसंधी
प्राप्त माहितीनुसार, मुंबई महापालिका प्रशासनाने पालीकेतील तृतीय आणि चतुर्थ श्रेणीमध्ये काम करणाऱ्या कर्मचाऱ्यांसाठी पालिका प्रशासनाद्वारे घरे विक्रीचा निर्णय घेतला आहे. ही प्रक्रिया म्हाडाच्या धर्तीवर अवलंबली जाईल. ज्यामध्ये मुंबईच्या माहुल परिसरात तब्बल 4,700 घरे उभारण्यात आली आहेत. ज्यांची प्रत्येकी किंमत 12.60 लाख रुपये इतकी आहे. या घरांसाठी लॉटरी काढण्यात येत असून, पालिका कर्मचारी या घरांसाठी आजपासून म्हणजेच सोमवार (17 मार्च) पासून अर्ज करु शकणार आहेत. (हेही वाचा, MHADA Nashik Lottery 2025: म्हाडा नाशिक बोर्डाकडून 493 परवडणाऱ्या घरांसाठी ऑनलाइन अर्जप्रक्रिया सुरु; जाणून घ्या कुठे कराल नोंदणी व महत्वाच्या तारखा)
पाच वर्षांनी घरमालकाला करता येणार घराची विक्री
अशीही माहिती आहे की, माहुल येथील जवळपास 13,000 घरांना पठिमागच्या प्रदीर्घ काळापासून खरेदीदार मिळू शकले नाहीत. परिणामी या सर्व घरांच्या देखभालीचा खर्च बीएमसीलाच करवा लागत आहे. त्यामुळे या घरांची विक्री म्हाडा मार्फत करण्याचा निर्णय घेण्यात आला आहे. म्हाडा या घरांसाठी लॉटरी काढत असून त्यासाठी आजपासून अर्ज खुले होणार आहेत. महापालिकांना या सदनिका मालकी तत्त्वावर विकल्या जाणार आहेत. खरेदीदारांनी या सदनिकांसाठी अधिक रुची दाखवावी यासाठी, या प्रकल्पांमध्ये रुग्णालय, शाळा आणि इतर अनेक सेवासुविधा उपलब्ध करुन दिल्या जाणार आहेत. महत्त्वचे म्हणजे ही घरे विकत घेतल्यावर कर्मचाऱ्यांच्या संपूर्ण मालकिची होणार आहेत. तसेच, खरेदी केल्यावर ही घरे विकायची असतील तर पाच वर्षांनंतर ती विकताही येणार आहेत.
म्हाडा म्हणजे महाराष्ट्र गृहनिर्माण आणि क्षेत्र विकास प्राधिकरण. ही महाराष्ट्रातील एक सरकारी संस्था आहे, ज्याची स्थापना 1977 मध्ये झाली. तिचे प्राथमिक उद्दिष्ट महाराष्ट्रातील रहिवाशांना, विशेषतः आर्थिकदृष्ट्या दुर्बल घटकांना (EWS), कमी उत्पन्न गटांना (LIG) आणि मध्यम उत्पन्न गटांना (MIG) परवडणारी घरे उपलब्ध करून देणे आहे. म्हाडा गृहनिर्माण योजना आणि लॉटरी आयोजित करते, जिथे व्यक्ती अनुदानित दराने घरे किंवा फ्लॅट खरेदी करण्यासाठी अर्ज करू शकतात. गेल्या काही वर्षांत, राज्यातील गृहनिर्माण समस्या आणि शहरी विकासात त्यांनी महत्त्वपूर्ण भूमिका बजावली आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)