Maharashtra Elections: विधानपरिषदेच्या निवडणूकीसाठी शिवसेनेच्या सुनील शिंदे यांच्या नावाची चर्चा
Shiv Sena | (File Photo)

पर्यटन मंत्री आणि शिवसेना युवासेना प्रमुख आदित्य ठाकरे (Aditya Thackeray) यांच्यासाठी आपली सीट सोडणाऱ्या सुनील शिंदे (Sunil Shinde) यांना शिवसेनेने विधानपरिषदेच्या जागेवर पाठवण्याचा निर्णय घेतला आहे. शिवसेनेच्या सुत्रांनुसार मिळालेल्या माहितीनुसार, विधानपरिषदेच्या सहा जागांसाठी निवडणूक होणार आहे, शिवसेनेच्या जागेसाठी सुनील शिंदे, सचिन अहीर आणि वरुण सरदेसाई यांच्या नावाची चर्चा होती. मात्र आता असे मानले जात आहे की, सुनिल शिंदे यांच्या नावावर शिक्कामोर्तब झाले आहे. सुनिल शिंदे यांना उमेदवारी देत शिवसेनेचे माजी पर्यावरण मंत्री आणि शिवसेनेचे वरिष्ठ नेते रामदास कदम यांना मोठा धक्का दिला आहे.

शिवसेनेने सुनिल शिंदे यांच्या नावाची अद्याप पुष्टी केलेली नाही. परंतु असे मानले जात आहे की, एमएमसीच्या रुपात मॅडम यांचा कार्यकाळ संपला असून त्यांच्या जागेवर सुनिल शिंदे यांना संधी मिळेल. हा निर्णय राम कदम यांच्या दृष्टीने सुद्धा घेतला गेला आहे. कारण नुकतीच त्यांची एक क्लिप व्हायरल झाली होती. त्यामध्ये शिवसेना नेते आणि महाराष्ट्र सरकार मधील मंत्री अनिल परब यांच्या विरोधात काही RTI कार्यकर्त्यांमध्ये बातचीत झाल्याचे दिसून आले होते.(Maharashtra MLC By-Election 2021: विधान परिषदेसाठी भाजपकडून चंद्रशेखर बावनकुळे, राजहंस सिंह यांना उमेदवारी)

सुनिल शिंदे यांनी महाराष्ट्र विधानसभा निवडणूकीत वरळी येथून विजय मिळवला होता. दरम्यान, शिवसेनेने 2019 मध्ये विधानसभा निवडणूकीत आदित्य ठाकरे यांना मैदानात उतरवण्याचा निर्णय घेतला होता. यामुळेच सुनिल शिंदे यांनी आदित्य ठाकरे यांच्यासाठी ती जागा सोडली होती.

तर सुनिल शिंदे यांनी 2007 मध्ये मुंबई महापालिकेच्या निवडणूकीच्या रिंगणात उतरले होते. ते बेस्ट कमिटीचे अध्यक्ष सुद्धा होते. 2014 मध्ये त्यांनी सचिन अहीर यांचा पराभव करत वरळीत आमदार म्हणून निवडले गेले. या निवडणूकीत त्यांना 60 हजार 625 मत तर सचिन अहिर यांना 37613 मते मिळाली होती. त्याचसोबत 2015 मध्ये त्यांना उत्तर अहमदनगर येथील संपर्क प्रमुख म्हणून जबाबदारी दिली गेली. ते ठाकरे परिवारातील अतिशय विश्वासून व्यक्तींपैकी एक आहेत.