Local Body Elections: स्थानिक स्वराज्य संस्था निवडणुकांच्या प्रकरणाची सर्वोच्च न्यायालयामध्ये 18 जुलै ला सुनावणी

महाराष्ट्रामध्ये मुंबई सह पुणे, नाशिक सारख्या महत्त्वाच्या शहरांमध्ये स्थानिक स्वराज्य संस्थेच्या निवडणूका (Local Body Elections) प्रलंबित आहेत. या निवडणूकांबाबर सर्वोच्च न्यायालयामध्ये प्रलंबित असलेल्या सुनावणीची तारीख अखेर निश्चित झाली आहे. 10 एप्रिल नंतर आता या प्रकरणावर आता 18 जुलै दिवशी सुनावणी होणार आहे. भारताचे सरन्यायाधीश धनंजय चंद्रचूड (CJI D Y Chandrachud) यांच्या अध्यक्षतेखाली त्याची सुनावणी होणार आहे. सरन्यायाधीश त्रिसदस्यीय खंडपीठासह याप्रकरणी पुढील सुनावणी करणार आहेत.

सध्या महाराष्ट्रामध्ये 25 पेक्षा अधिक महापालिका, 207 नगरपालिका आणि जिल्हा परिषद निवडणुकांचं भवितव्य या सुनावणीवर अवलंबून आहे. 92 नगरपरिषदांमधला ओबीसी आरक्षणाचं काय होणार? वेळोवेळी जाहीर केलेले अध्यादेश, शिंदे फडणवीस सरकारने नव्याने प्रभागरचना करण्यासंदर्भातील जारी केलेले अध्यादेश या सगळ्यांवर 18 जुलै रोजी एकत्रित सुनावणी होणार आहे.

महाराष्ट्रात कोविड संकटादरम्यान अनेक महानगरपालिकांचा कार्यकाळ संपला त्यानंतर दीड दोन वर्ष प्रशासकाच्या हातात मुंबई, पुणे, नाशिक महानगरपालिकांचा कारभार देण्यात आला आहे. आता हा कारभार पुन्हा नगरसेवक आणि महापौरांच्या हातात देण्यासाठी निवडणूका आवश्यक आहेत. त्यामुळे अनेक महानगरांमध्ये पुन्हा स्थानिक स्वराज्य संस्थांच्या निवडणूकीचा मार्ग मोकळा करण्यासाठी न्यायालयाचा निर्णय महत्त्वाचा आहे.

पावसाळ्याचे दिवस संपल्यानंतर ऑक्टोबर- नोव्हेंबर महिन्यात या पालिका निवडणूकांचे पडघम वाजू शकतात असा सध्या अंदाज आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)