Child for 'Sale' in Mumbai: मुंबईतील दाम्पत्याने 40 हजार रुपयांना विकले 1 वर्षाचे बाळ, पोलिसांनी 7 जणांवर केला गुन्हा दाखल

Child for 'Sale' in Mumbai:  रायगड जिल्ह्यातील एका जोडप्याला ४० हजार रुपयांना विकल्या गेलेल्या एका वर्षाच्या मुलाची मुंबई पोलिसांनी नुकतीच सुटका केली. या प्रकरणी पोलिसांनी मुलाच्या पालकांसह सात जणांवर गुन्हा दाखल केला आहे. ही घटना उघडकीस आली जेव्हा त्या मुलाला विकत घेतलेल्या जोडप्याने त्याला वाडिया रुग्णालयात दाखल करण्याचा प्रयत्न केला आणि तेथे त्याच्या पोटात दुखत असल्याने उपचार घेतले. एका वृत्तानुसार, ज्या जोडप्याने मुलाला विकत घेतले त्या जोडप्याने मुलाची किंवा त्याच्या पालकांची कोणतीही वैध कागदपत्रे दिली नाहीत म्हणून हॉस्पिटलच्या अधिकाऱ्यांना संशय आला होता. परशुराम चौगले (52) आणि मालती चौगले (48) अशी आरोपी दाम्पत्याची नावे आहेत, तर चंद्रकांत वाघमारे आणि शेवंती वाघमारे अशी बाळाच्या खऱ्या आई-वडिलांची नावे आहेत.

पाहा पोस्ट:

पोलिसांनी सांगितले की, रायगड जिल्ह्यातील श्रीवर्धन तालुक्यातील वडवली गावातील रहिवासी असलेले चौगले यांच्या लग्नाला 30 वर्षे उलटूनही मूल न झाल्याने दत्तक घेण्याचा विचार करत होते. गेल्या वर्षी सप्टेंबरमध्ये मालती चौघले यांची बहीण लक्ष्मी पाटील हिने चंद्रकांत वाघमारे नावाच्या गावकऱ्याची माहिती तिला दिली. चौगलेंनी 30 सप्टेंबर रोजी मुलाला विकत घेण्याचे ठरवले आणि आणखी दोन गावकऱ्यांच्या उपस्थितीत 5,000 रुपये दिले.

जोडप्याने आजारी पडलेल्या बाळाला हॉस्पिटलला नेले तेव्हा काहीसे चुकीचे वाटल्यामुळे  हॉस्पिटलने त्वरीत पोलिसांना सूचित केले. आणि सगळा प्रकार उघडकीस आला. दरम्यान, सर्व आरोपींवर भारतीय दंड संहिता (आयपीसी) आणि बाल संरक्षण कायद्याच्या विविध कलमांतर्गत गुन्हा दाखल करण्यात आला आहे.