Shiv Sena-BJP Alliance: 'पंचवीस वर्षांच्या आमच्या उबवणीचा वेगळाच परिणाम', शिवसेना-भाजप युतीवर मुख्यमंत्री उद्धव ठाकरे यांची मिश्कील टोलेबाजी
विकासाचे इन्क्युबेशन सेंटर चांगले आहे. विकासाचे इन्क्युबेशन व्हायला हवे. नाहीतर आम्हीही वेगळ्या प्रकारचे इन्क्युबेशन केले. त्याचा परिणाम काय झाला हे तुमच्या समोर आहे, असे मिष्कील भाष्य करत मुख्यमंत्री उद्धव ठाकरे यांनी शिवसेना-भाजपमधील 25 वर्षांच्या युतीवर जोरदार टोलेबाजी केली
इन्क्युबेशन सेंटर अँड इनोव्हेशन (Incubation & Innovation Center Baramati) हा प्रकल्प खरोखरच चांगला आहे. इन्क्युबेशन म्हणजे उबवणी केंद्र. विकासाचे इन्क्युबेशन सेंटर चांगले आहे. विकासाचे इन्क्युबेशन व्हायला हवे. नाहीतर आम्हीही वेगळ्या प्रकारचे इन्क्युबेशन केले. त्याचा परिणाम काय झाला हे तुमच्या समोर आहे, असे मिष्कील भाष्य करत मुख्यमंत्री उद्धव ठाकरे ( Uddhav Thackeray) यांनी शिवसेना-भाजप (Shiv Sena-BJP Alliance) 25 वर्षांच्या युतीवर जोरदार टोलेबाजी केली. ॲग्रीकल्चरल डेव्हलपमेंट ट्रस्ट बारामती (Agricultural Development Trust Baramati) कडून उभारण्यात आलेल्या Incubation & Innovation Center चे मुख्यमंत्री उद्धव ठाकरे यांच्या हस्ते उदघाटन करण्यात आले. या वेळी ते बोलत होते.
या वेळी बोलताना राजकारणात टीकाकार असले पाहिजेत. आम्हीही एकेकाळी तुमचे टीकाकार होतो. पण टीका करतानाही मर्यादा हवी. शिवसेना प्रमुख बाळासाहेब ठाकरे मला मध्ये मध्ये नेहमीच सांगत असत शरदबाबू बारामतीमध्ये जे करत आहेत ते एकदा पाहायला हवे. चांगल्या कामात एखाद्याला पाठींबा देता आला नाही तर त्यात विघ्नतरी आणू नये. ठिक आहे राजकारणात विचार पटत नाही म्हणून विकास कार्यात अडथळा आणू नये. विघ्नसंतोषी अडथळा आणत असतात. या मंडळींना विघ्न आणून मिळतं काय?, असा सवालही मुख्यमंत्र्यांनी विचारला. (हेही वाचा, Ajit Pawar's Property Market Value: अजित पवार यांच्या Income Tax विभागाकडून जप्त संपत्तीची यादी आणि मार्केट व्हॅल्यू)
ॲग्रीकल्चरल डेव्हलपमेंट ट्रस्ट बारामती कडून उभारण्यात आलेल्या Incubation & Innovation Center चे मुख्यमंत्री उद्धव ठाकरे यांच्या हस्ते उदघाटन करण्यात आले आहे. याप्रसंगी खासदार शरद पवार, विधान परिषदेच्या उपसभापती नीलम गोर्‍हे, उपमुख्यमंत्री अजित पवार, राज्यमंत्री दत्तात्रय भरणे, खासदार सुप्रिया सुळे, उद्योजक बाबा कल्याणी, विजय शिर्के, दिपक छाब्रिया, प्रतापराव पवार.ट्रस्टचे चेअरमन राजेंद्र पवार उपस्थित होते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)