Palghar Accident: मुंबई-अहमदाबाद महामार्गावर कारची कंटेनरला धडक; महिलेसह तिघांचा मृत्यू

Palghar Accident: पालघरमधून (Palghar) अपघाताची मोठी बातमी समोर येत आहे. मुंबई-अहमदाबाद महामार्गावर (Mumbai-Ahmedabad Highway) मेंढवान घाटाजवळ शनिवारी एक भीषण रस्ता अपघात (Accident) झाला, ज्यामध्ये एका महिलेसह तीन जणांचा मृत्यू झाला. तसेच दोन जण गंभीर जखमी झाले. जखमींना तातडीने उपचारासाठी जवळच्या रुग्णालयात दाखल करण्यात आले.

तीन प्रवाशांचा जागीच मृत्यू -

प्राप्त माहितीनुसार, गुजरातहून मुंबईकडे जाणारी एक हायस्पीड रेनॉल्ट डस्टर कार एका उभ्या असलेल्या कंटेनर ट्रकला मागून धडकल्याने हा अपघात झाला. ही टक्कर इतकी भीषण होती की तीन प्रवाशांचा जागीच मृत्यू झाला. अपघाताची माहिती मिळताच स्थानिक पोलिस आणि बचाव पथके तातडीने घटनास्थळी दाखल झाले. त्यांनी जखमींना ढिगाऱ्यातून बाहेर काढण्यात मदत केली आणि त्यांना तातडीने वैद्यकीय सेवेसाठी रुग्णालयात पाठवले. (हेही वाचा - Accident On Latur-Solapur Highway: लातूर-सोलापूर महामार्गावर दोन हायस्पीड पर्यटक बसची धडक; 2 जणांचा मृत्यू, 20 जण जखमी)

दरम्यान, अपघातातील मृतांची ओळख अद्याप उघड झालेली नाही. तसेच अपघाताचे नेमके कारण शोधण्यासाठी पोलिस अधिकाऱ्यांनी तपास सुरू केला आहे. प्राथमिक अंदाजानुसार, अतिवेग आणि चालकाचे लक्ष विचलित झाल्याने हा भीषण अपघात झाल्याचं सांगण्यात येत आहे.

(The above story first appeared on LatestLY on May 31, 2025 05:46 PM IST. For more news and updates on politics, world, sports, entertainment and lifestyle, log on to our website latestly.com).