Navi Mumbai Online Fraud: नवी मुंबईमध्ये घर भाड्याने घेण्याच्या बहाण्याने 45 वर्षीय व्यक्तीला 99 हजारांचा ऑनलाइन गंडा, अज्ञाताविरोधात गुन्हा दाखल

घर भाड्याच्या (House Rent) बहाण्याने काही अज्ञात लोकांनी 45 वर्षीय व्यक्तीची ऑनलाईन फसवणूक (Online Fraud) केली आहे. या प्रकरणी सानपाडा पोलिसांनी (Sanpada Police) अज्ञात व्यक्तींवर गुन्हा दाखल केला आहे. पोलिसांनी दिलेल्या माहितीनुसार, केमिस्टचे दुकान चालवणाऱ्या तक्रारदाराचे घाटकोपरमध्ये (Ghatkopar) घर आहे. त्याला ते भाड्याने द्यायचे होते आणि त्याने गेल्या महिन्यात एका प्रॉपर्टी वेबसाइटवर जाहिरात दिली होती. काही दिवसातच त्याला संजय सिंहचा फोन आला. ज्याने स्वतःला पुण्यातून भारतीय लष्कराचे (Indian Army) जवान म्हणून ओळखले. त्या व्यक्तीने सांगितले की त्याची मुंबईत बदली झाली आहे आणि म्हणून त्याला घराची गरज आहे. त्याला त्याच दिवशी सुरक्षा ठेव म्हणून 1 लाख भरायचे होते .

त्या माणसाने सांगितले की तो विशेष तंत्रज्ञान वापरतो आणि जर कोणी त्याच्या खात्यात रक्कम हस्तांतरित करतो. तर पाठवणाऱ्याला काही मिनिटांत दुप्पट रक्कम मिळेल. अशा प्रकारे, त्याने तक्रारदाराला त्याच्या खात्यावर  1 लाख रुपये पाठवण्यास सांगितले आणि तक्रारदाराला 2 लाख रुपये मिळतील असे आश्वासन दिले. हेही वाचा Pune Accident: पुण्यामध्ये मेट्रो बांधकामाचा बॅरिकेड अंगावर पडल्याने 64 वर्षीय व्यक्तीचा मृत्यू, तब्बल 1 महिन्यानंतर मृत्यूशी झुंज अपयशी

त्याने तक्रारदाराला  प्रथम 5 रुपये पाठवून एकदा प्रयत्न करायला सांगितले. तक्रारदाराने त्याच्या खात्यावर 5 रुपये पाठवले आणि लगेच दुसऱ्याच्या खात्यातून  10 रुपये प्राप्त केले. त्यानंतर त्याने 25,000 रुपये तीन वेळा आणि 24,000 रुपये एकदा पाठवले. परंतु इतर खात्यातून काहीही परत मिळाले नाही, असे सानपाडा पोलीस ठाण्याच्या एका पोलीस अधिकाऱ्याने सांगितले.

जेव्हा तक्रारदाराने त्या व्यक्तीला फोन केला, तेव्हा त्याने सांगितले की काही काळानंतर पैसे मिळतील. तक्रारदाराला मात्र काहीतरी संशयास्पद वाटले आणि त्याबाबत पोलिसांना कळवले. पोलिसांनी अज्ञात आरोपींविरुद्ध भारतीय दंड संहितेच्या कलम 420 आणि आयटी कायद्याच्या कलम 66 डी अंतर्गत गुन्हा दाखल केला आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)