Jalna: अपघातानंतर कारला आग लागल्याने एका 32 वर्षीय महिलेचा मृत्यू; पती गंभीर जखमी

Jalna: जालना (Jalna) जिल्ह्यात शुक्रवारी झालेल्या अपघातानंतर कारला आग (Fire) लागल्याने एका 32 वर्षीय महिलेचा मृत्यू झाला. तसेच या अपघातात (Accident) महिलेचा पती जखमी झाला. यासंदर्भात पोलिसांनी माहिती दिली आहे. ही घटना जिल्ह्यातील मंथा तालुक्यातील कार्ला येथे पहाटे घडली.

अमोल आणि सविता सोळुंखे लोणार-मंठा रस्त्यावरून जात असताना एका पिकअप व्हॅनने त्यांच्या कारला पाठीमागून धडक दिली, असे मंठा पोलिस ठाण्याचे निरीक्षक संजय देशमुख यांनी सांगितले. (हेही वाचा - Firing On Female Journalist: पुण्यात महिला पत्रकारावर गोळीबार केल्याप्रकरणी चार अल्पवयीनांसह दोघांना अटक; शस्त्रे जप्त)

प्राप्त माहितीनुसार, अमोलने ताबडतोब कार थांबवली. तो पिक-अप व्हॅनच्या चालकाचा सामना करण्यासाठी बाहेर पडला, तेव्हा अचानक चारचाकीमध्ये आग लागली. अमोलने कारचे दार उघडण्याचा प्रयत्न केला मात्र, त्याचा प्रयत्न अयशस्वी झाला. अग्निशमन दलाला तात्काळ या घटनेची माहिती देण्यात आली. मात्र, तोपर्यंत आगीत वाहन पूर्णपणे जळून खाक झाले होते.

दरम्यान, महिला जागीच ठार झाली, तर तिचा पती बचावाच्या प्रयत्नात गंभीर भाजला. त्याच्यावर रुग्णालयात उपचार सुरू आहेत, असे त्यांनी सांगितले, पिक-अप व्हॅनच्या चालकावर गुन्हा दाखल करण्यात आला आहे.

(The above story first appeared on LatestLY on Jun 23, 2023 07:06 PM IST. For more news and updates on politics, world, sports, entertainment and lifestyle, log on to our website latestly.com).