COVID-19 Cases in Maharashtra: मुंबई, पुणे, नाशिक, रायगडसह तुम्ही राहत असलेल्या जिल्ह्यात किती आहेत कोरोनाचे रुग्ण? पाहा आजचे ताजे अपडेट्स

महाराष्ट्रात (Maharashtra) कोरोना बाधित रुग्णांची दिवसेंदिवस वाढत असली तरीही बरे होणा-या रुग्णांची संख्या देखील वाढत आहे. यामुळे राज्यातील रिकव्हरी रेट ब-यापैकी सुधारला आहे. महाराष्ट्र आरोग्य विभागाने (Maharashtra Health Department) दिलेल्या माहितीनुसार, काल (22 ऑगस्ट) राज्यात 14,492 नवे रुग्ण आढळले असून 297 रुग्ण दगावल्याची माहिती मिळत आहे. यामुळे राज्यात कोरोना बाधितांची एकूण संख्या 6 लाख 61 हजार 942 इतकी झाली आहे. आतापर्यंत 4,80,114 रुग्णांनी कोरोनावर यशस्वी मात केली आहे. त्यामुळे त्यांना उपचारानंतर घरी सोडण्यात आलं आहे. याशिवाय सध्या राज्यात 1 लाख 69 हजार 516 कोरोना रुग्णांवर उपचार सुरू आहेत.

काल दिवसभरात 9241 रुग्ण बरे झाले असल्यामुळे त्यांना रुग्णालयातून सुट्टी देण्यात आली आहे. यामुळे राज्यात रिकव्हरी रेट 71.45% इतका झाला आहे. तर मृत्यूदर 3.27% इतका झाला आहे. 22 ऑगस्टपर्यंत करण्यात आलेल्या 35,66,288 कोरोना चाचण्यांपैकी 6,61,942 जण कोरोना पॉझिटिव्ह आढळले आहेत. सध्या 12,11,608 रुग्णांना होम क्वारंटाईन करण्यात आले असून 35,371 रुग्णांना संस्थात्मक क्वारटाईन ठेवण्यात आले आहे. COVID19 Cases In Mumbai: मुंबईत आज 1 हजार 134 नव्या रुग्णांची नोंद; 32 जणांचा मृत्यू

महाराष्ट्रातील कोरोनाबाधितांची जिल्हा व मनपा निहाय आकडेवारी (22ऑगस्ट रात्री 8: 00 वाजेपर्यंत)

राज्यात सर्वाधिक रुग्ण हे मुंबई शहरात असून कोरोनाबाधितांची संख्या 1 लाख 35 हजार 357 वर पोहचली आहे. यापैकी 7 हजार 385 रुग्णांचा मृत्यू झाला आहे, अशी माहिती मुंबई महानगरपालिकेने दिली आहे. मुंबईसह संपूर्ण महाराष्ट्रात कोरोना विषाणूने धुमाकूळ घातला आहे. राज्यात दिवसेंदिवस कोरोनाबाधीत रुग्णांच्या आकड्यात झपाट्याने वाढ होऊ लागल्याने सर्वत्र चिंताजनक वातावरण निर्माण झाले आहे