झोपेच्या कमतरतेमुळे होऊ शकता 'हे' गंभीर आजार; चांगल्या झोपेसाठी करा 'हे' उपाय

Loss of Sleep: बदलत्या जीवनशैलीमुळे झोपेचा (Sleep) संबंध आरोग्याशी जोडला जात असल्याचे दिसून आले आहे. झोपेच्या कमतरतेमुळे तुमच्या शरीरात अनेक आजार होतात. पुरेशी झोप न मिळाल्याने तुमची मानसिक क्षमता कमी होते आणि तुमचे शारीरिक आरोग्य धोक्यात येते. झोपेच्या अभावामुळे तुमच्या मानसिक क्षमता आणि भावनिक स्थितीवरही नकारात्मक परिणाम होतो.

कमी झोपेमुळे होऊ शकतात हे आजार -

लठ्ठपणा वाढतो -

कमी झोपेमुळे शरीरातील चयापचय क्रिया मंदावते, त्यामुळे लठ्ठपणा वेगाने वाढतो. वाढत्या लठ्ठपणामुळे तुमचे शरीर अनेक गंभीर आजारांना बळी पडते.

मधुमेह होऊ शकतो -

तुम्हाला योग्य झोप न मिळाल्यास निरोगी व्यक्ती देखील प्री-डायबेटिस आणि नंतर मधुमेहाच्या टप्प्यावर पोहोचते. वास्तविक, झोपेच्या कमतरतेमुळे इन्सुलिन प्रतिरोधक क्षमता, तणाव हार्मोन्स आणि जळजळ वाढते. त्यामुळे शरीरातील साखरेचे प्रमाण वाढते.

हृदयरोग -

शिकागो विद्यापीठाच्या अभ्यासानुसार, दररोज फक्त दोन तास कमी झोप घेतल्याने तुम्हाला हृदयाशी संबंधित आजार होऊ शकतात, ज्यामुळे तुमचा बीपी वाढतो आणि हृदयावर दबाव येतो. अशा स्थितीत ऑक्सिजन पुरवणाऱ्या रक्तवाहिन्या खराब होतात. त्यामुळे वयाच्या 45 व्या वर्षी लोक हृदयविकाराचे शिकार होऊ लागतात.

मेंदू कमकुवत होतो -

झोपेच्या कमतरतेचा शरीरावरच नव्हे तर मनावरही खोलवर परिणाम होतो. कमी झोपेमुळे तणावाची पातळी वाढते. ज्यामुळे तुमच्या मेंदूला चालना मिळते. त्यामुळे लोक चिंता आणि नैराश्याचे शिकार होतात.

चांगली झोप कशी घ्यावी?

ताजे अन्नच खा -

स्वत:ला निरोगी ठेवण्यासाठी आपल्या आहाराची पुरेपूर काळजी घ्या आणि नेहमी घरचेच ताजे अन्न खा.

तळलेले पदार्थ खाऊ नका -

चांगल्या झोपेसाठी तुम्ही बाहेरचे अन्न कमी करणे आणि तळलेले पदार्थ खाणे शक्यतो कमी करणे गरजेचे आहे.

5-6 लिटर पाणी प्या -

जर तुम्ही दिवसभरात 5-6 लिटर पाणी प्यायले तर ते तुम्हाला चांगली झोप घेण्यास मदत करेलच शिवाय तुमचे शरीर हायड्रेट ठेवेल.

दररोज व्यायाम करा -

चांगल्या झोपेसाठी, तुमचे शरीर शारीरिकदृष्ट्या थकणे महत्त्वाचे आहे. म्हणून दररोज व्यायाम करणे महत्त्वाचे आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)