Ghatasthapana Muhurat (pc - File Image)

Ghatasthapana 2023 Muhurat: 15 ऑक्टोबर रोजी घटस्थापनेने (Ghatasthapana) नवरात्रीची (Navratri) सुरुवात होत असून, ती 23 तारखेपर्यंत चालणार आहे. 24 रोजी दसरा साजरा होणार आहे. रविवारी शक्ती उत्सवाच्या प्रारंभापासून देवीचे वाहन हत्ती असेल, जे सुख-समृद्धीचे लक्षण मानले जाते. यावेळी घटस्थापनेसाठी दिवसभरात एकच शुभ मुहूर्त असून तो सकाळी 9.27 पासून सुरू होणार आहे. घटस्थापना म्हणजेच माती, चांदी, अष्ट धातू, पितळ किंवा इतर धातूंनी बनवलेले भांडे नवरात्रीच्या पहिल्या दिवशी शुभ मुहूर्तावर ईशान्य कोपर्‍यात बसवले जाते.

शास्त्रानुसार सकाळी घटस्थापना आणि देवीपूजन करण्याची परंपरा आहे. मात्र यामध्ये चित्रा नक्षत्र आणि वैधृती योग निषिद्ध मानले जातात. पंचांगानुसार, रविवार, 15 ऑक्टोबर 2023 रोजी चित्रा नक्षत्र संध्याकाळी 6:12 वाजता असेल आणि वैधृती योग सकाळी 10:24 वाजता असेल. तथापि, चित्रा नक्षत्र आणि वैधृती योग आणि चित्रा नक्षत्राचे दोन टप्पे निघून गेल्यावर विशेष परिस्थितीत घटस्थापना करता येते. (हेही वाचा - Navratri 2023 Colours for 9 Days: नवरात्री मध्ये यंदा घटस्थापनेपासून नवमी पर्यंत पहा कोणत्या दिवशी कोणता रंग?)

15 ऑक्टोबर रोजी सकाळी चित्रा नक्षत्र आणि वैधृती योगाचे दोन चरण पूर्ण होतील. अशा स्थितीत घटस्थापनाही सकाळी करता येते. तसेच घटस्थापना अभिजीत मुहूर्तात करता येते. 15 ऑक्टोबर 2023 रोजी अभिजीत मुहूर्त सकाळी 11:44 ते 12:30 पर्यंत असेल. या काळात घटस्थापना करू शकता.

नवरात्रीत कलशाची स्थापना का केली जाते ?

कलशाची स्थापना करणे म्हणजे ब्रह्मांडातील शक्ती तत्वाला घटामध्ये म्हणजेच नवरात्रीच्या काळात कलशाचे आवाहन करणे. शक्ती तत्वामुळे घरातील नकारात्मक ऊर्जा नाहीशी होते.

1. नवरात्रीमध्ये लावलेला कलश नकारात्मक ऊर्जा दूर करतो. यामुळे घरात शांतता राहते.

2. कलश हे सुख आणि समृद्धी देणारे मानले जाते.

3. घरात ठेवलेल्या कलशामुळे भक्तिमय वातावरण निर्माण होते. त्यामुळे उपासनेत एकाग्रता वाढते.

4. कलश हे गणेशाचे रूप देखील मानले जाते, यामुळे कामातील अडथळे देखील दूर होतात.

नवरात्रीत नऊ दिवस अखंड ज्योत पेटवली जाते. तुपाचा दिवा देवीच्या उजव्या बाजूला आणि तेलाचा दिवा देवीच्या डाव्या बाजूला ठेवावा. अखंड ज्योत नऊ दिवस तेवत राहावी. जेव्हा तुम्हाला ज्योतीत तूप घालायचे असेल किंवा वात दुरुस्त करायची असेल तेव्हा एक छोटा दिवा लावा आणि तो अखंड दिव्याच्या ज्योतीपासून वेगळा ठेवा.