Father's Day 2022 Special Last Minute Gift Ideas: फादर्स डे निमित्त तुमच्या बाबांना द्या 'हे' खास गिफ्ट

Father's Day Gift Idea (Photo Credits: pexels)

Father's Day 2022 Special Last Minute Gift Ideas: आपल्या सर्वांच्या जीवनात वडिलांचे महत्त्वाचे स्थान आहे. आईशिवाय एक क्षण जरी जगू शकत नसलो तरी वडिलांशिवाय आयुष्य अपूर्ण वाटतं. वडील आपले संपूर्ण आयुष्य मुलांवर अर्पण करतात आणि त्या बदल्यात काहीही मागत नाहीत. त्यांचे संपूर्ण आयुष्य त्यांच्या मुलांची स्वप्ने आणि आकांक्षा पूर्ण करण्यात जाते. त्यामुळे मुलांचीही आपल्या वडिलांप्रती विशेष जबाबदारी असते.

आपल्या वडिलांना विशेष वाटण्यासाठी 'फादर्स डे' पेक्षा चांगली कोणतीही संधी नाही. 19 जून म्हणजेच रविवारी जगभरात फादर्स डे साजरा केला जाणार आहे. तुम्हीही हा दिवस तुमच्या कुटुंबासोबत साजरा करू शकता. या दिवसासाठी तुमच्या वडिलांसाठी भेटवस्तू घ्यायला विसरू नका. तुम्ही आणखी कोणतही गिफ्ट घेतलं नसलं तर काळजी करू नका. येथे आम्ही तुम्हाला फादर्स डे निमित्त काही Last Minute Gift Ideas सांगणार आहोत. चला तर मग काय आहेत या गिफ्ट आयडिया जाणून घेऊयात...(हेही वाचा - How To Make Father’s Day 2022 Greeting Cards?तुमच्या प्रिय वडिलांसाठी खास कार्ड तयार करण्यासाठी काही DIY कल्पना आणि ट्यूटोरियल, पाहा व्हिडीओ)

कॉफी कप -

प्रत्येकाचा स्वतःचा वैयक्तिक मग असतो. ज्यामध्ये ते चहा किंवा कॉफी पितात. वडिलांचे असे छंद मुलांच्या मागण्या पूर्ण करण्याच्या नादात कुठेतरी हरवून जातात. या फादर्स डे निमित्ताने तुम्ही तुमच्या वडिलांना वडिलांवर लिहिलेल्या कोटसह एक मग भेट देऊ शकता.

टी शर्ट -

जर तुम्ही फादर्स डेच्या दिवशी कुठेतरी सहलीला जाण्याचा विचार करत असाल तर तुमच्या वडिलांसाठी टी-शर्ट नक्कीच खरेदी करा. तुम्ही हा टी-शर्ट त्याच्या आवडत्या रंगातही विकत घेऊ शकता किंवा तुम्ही टी-शर्ट विकत घेऊ शकता ज्यावर वडिलांसाठी खास कोट लिहिलेला असेल.

फुटवियर -

बहुतेक पुरुषांना पादत्राणे खूप आवडतात. त्यामुळे तुम्ही तुमच्या वडिलांना पादत्राणे देऊ शकता. जर तुमचे वडील जॉगिंगला गेले तर तुम्ही त्यांना रनिंग शूज किंवा स्पोर्ट्स शूज गिफ्ट करू शकता. तसेच जर तुमचे वडील ऑफिसला जात असतील तर तुम्ही त्यांना फॉर्मल शूज किंवा स्लीपर देखील भेट देऊ शकता.

घड्याळ -

पुरुषांना घड्याळे घालायला आवडते. जर तुमच्या वडिलांना घड्याळांची आवड असेल आणि त्यांचे घड्याळ खूप जुने असेल तर तुम्ही त्यांना या फादर्स डेला एक छान घड्याळ भेट देऊ शकता. तुमच्या बजेटनुसार आणि तुमच्या वडिलांच्या आवडीनुसार त्यांना एक घड्याळ भेट द्या. सध्या स्मार्ट घड्याळाचा ट्रेंड आहे, त्यामुळे तुम्ही त्यांनाही स्मार्ट घड्याळ देऊ शकता.

तुम्ही या भेटवस्तूही देऊ शकता -

फादर्स डेच्या दिवशी तुम्ही तुमच्या वडिलांना काही सुंदर रोपे गिफ्ट करू शकता. वनस्पती केवळ तुम्हाला आनंद देत नाहीत तर तुम्हाला अनेक आरोग्यदायी फायदे देखील देतात. याशिवाय, तुम्ही त्यांच्या आवडीचे स्वादिष्ट पदार्थ बनवून त्यांच्याबद्दल तुमचे प्रेम दाखवू शकता.