Maharashtra Eid Moon Sighting 2019 Eid Al Fitr Announcement Live Updates: मुंबईः ईदचा चंद्र दिसला; उद्या साजरी होणार रमजान ईद

राज्यातील मुस्लिम बांधवांसाठी आनंदाचे वृत्त आहे. उत्तर प्रदेश राज्यात कानपूर, लखनऊ येथेही दिसला ईदचा चांद. देशभरातील विविध ठिकाणी चंद्र दर्शन. भारतभर उद्या साजरी होणार रमजान ईद.

पुणेः रमजाननिमित्त नेहरूनगर येथील सवकअल्ला जामा मस्जिद येथे करण्यात आलेली आकर्षक विद्युत रोषणाईने उजळून गेली आहे. राज्यातील विविध ठिकाणी ईदचा चाँद दिसल्याने राज्यभरात ईदचा उत्साह साजरा होत आहे.

नांदेड जिल्ह्यातील मुस्लिम बांधवांची उत्सुकता आणि अतुरताही अखेर संपली असून आकाशात ईदचा चांद दिसला आहे. मुंबई, अहमदनगर, नाशिक आदी ठिकाणी चंद्र दर्शन घडल्यामुळे उद्या राज्यभरात रमजान ईदचा उत्साह पाहायला मिळणार आहे.

ईद साजरी करण्यासाठी मोठ्या आतुरतेने आकाशाकडे डोळे लाऊन बसलेल्या मुंबईतील मुस्लिम बांधवांना अखेर चंद्र दर्शन घडले आहे. त्यामुळे शहरात ईदचा उत्साह सुरु झाला आहे. ईतचा चंद्र दिसल्याने मुंबई आणि राज्यभरात उद्या साजरी होणार रमजान ईद.

चंद्र दर्शन घडल्याने अहमदनगरमध्ये ईदचा उत्साह सुरु झाला आहे. आज रात्री आठच्या सुमारास अहमदनगर जिल्ह्यातील राहता येथे चंद्र दर्शन घडले

मुंबई शहर, उपनगर आणि उपनगरांलगतचा काही भागांत चंद्र दर्शन घडल्याचे वृत्त आहे. प्रामुख्याने वर्सोवा येथे चंद्र दर्शन घडल्याचे वृत्त आहे. मात्र, अद्याप याला अधिकृत दुजोरा मिळू शकला नाही.

जगभरातील इस्लाम धर्मिय बांधवांसाठी पवित्र असलेला रमजान महिना समाप्तीच्या टप्प्यात अल्पावधीतच होऊ शकतं चंद्र दर्शन

अद्यापही चांद न दिसल्याने ईदसाठी प्रतिक्षाच करावी लागत आहे. ईदची तयारी जय्यद झाली असतानाही चंद्र दर्शन न होणे हे उत्सुकता वाढवणारे आहे.

ईदच्या जल्लोषासाठी मुस्लिम बांधवांनी जोरदार तयारी केली आहे. मात्र, सर्वांनाच उत्सुकता आहे ती, चंद्र दर्शनाची. अद्याप तरी चंद्र दर्शन घडले नाही. त्यामुळे ही उत्सुकता कायम आहे.

जगभरातील ईद उत्सवावर नजर टाकता संयुक्त राष्ट्र (UAE) च्या मून सायटींग कमिटीने 4 जून रोजीच ईद साजरी करण्याचे ठरवले आहे. या कमिटीनुसार शवालचा महिना मंगळवारपासून सुरु होत आहे.ईद म्हणजेच ईद-उल-फितर हा मुस्लिम धर्मियांचा अत्यंत पवित्र सण म्हणून ओळखला जातो. हा सण इस्लाम धर्मिय मोठ्या उत्साहात साजरा करतात.

राजधानी मुंबई, पुणे आणि नाशिक, मालेगवामध्ये ईदसाठी चंद्र दर्शनाची प्रतिक्षा. ईदचा चांद पाहण्यासाठी मुस्लिम बांधवांमध्ये  उत्साह अधिकाधिक वाढत चालला आहे. तर ज्या दिवशी ईदचा चंद्र दिसून येतो तो दिवस रमजानचा शेवटचा दिवस असल्याचे मानले जाते. त्याचसोबत रमजान संपल्यानंतर ईद-उल-फितर साजरी करण्यात येते.

 रमजान महिन्याच्या संपूर्ण काळात मुस्लिम बांधव आपल्या प्रिय अल्ला प्रति रोजा (उपवास ) ठेवतात. रमजानचा संपूर्ण महिना आनंद आणि उत्साहाने भारलेला असतो. अशा या महिना चंद्रदर्शनाने समाप्त होतो. 

राजधानी मुंबई ईद साजरी करण्यासाठी सज्ज झाली आहे. आज सायंकाळी किंवा रात्री उशीरपर्यंत चंद्र दर्शन होण्याची शक्यता आहे. चांद दर्शन घडले की, ईद साजरी करण्यास मोठ्या उत्साहात सुरुवात होते. त्यामुळे सर्वांचे लक्ष सध्यातरी आकाशाकडे लागले आहे.