संसदेत लोकसभा अध्यक्ष Om Birla यांनी Rahul Gandhi यांना का फटकारले; काय होती संपूर्ण घटना, जाणून घ्या

लोकसभा अध्यक्ष ओम बिर्ला (Om Birla) यांनी बुधवारी लोकसभेत राष्ट्रपतींच्या अभिभाषणावरील धन्यवाद प्रस्तावावरील चर्चेदरम्यान योग्य संसदीय कार्यपद्धती न पाळल्याबद्दल काँग्रेस खासदार राहुल गांधी (Rahul Gandhi) यांना फटकारले. मी खासदाराला बोलण्याची परवानगी देतो, असे राहुल गांधी यांनी भाषणादरम्यान सांगितले. त्यांच्या या वक्तव्यावर ओम बिर्ला म्हणाले, "ही परवानगी देणारे तुम्ही कोण? तुम्ही परवानगी देऊ शकत नाही, तो माझा अधिकार आहे."

ओम बिर्ला पुढे म्हणाले, "तुम्हाला कोणालाही परवानगी देण्याचा अधिकार नाही. फक्त खुर्चीला कोणालाही परवानगी देण्याचा अधिकार आहे." (वाचा -राहुल गांधींच्या 'भाजप सरकारने चीन-पाक एकत्र आणले' या टिप्पण्यांचे समर्थन करणार नाही - US State Dept)

काय आहे संपूर्ण प्रकरण?

काल राहुल गांधी सभागृहात मोदी सरकारवर हल्लाबोल करत असताना त्यांनी भाजप खासदार कमलेश पासवान यांचेही नाव घेतले. याला पासवाना यांनी विरोध करत आपल्या जागेवरून बोलण्यास सुरुवात केली. हे पाहून राहुल गांधी म्हणाले, "मी लोकशाहीवादी आहे आणि मी दुसऱ्या व्यक्तीला बोलू देईन." त्यांच्या वक्तव्यावर चिडून अध्यक्ष बिर्ला यांनी त्यांना खडसावले.

राहुल गांधी म्हणाले, "तुम्ही (पीएम मोदी) कोणाचेही ऐकत नाही अगदी भाजपमधील माझ्या प्रिय भाऊ आणि बहिणीचेही नाही. मी माझे दलित सहकारी पासवान जी यांना आज बोलताना पाहिले. त्यांना दलितांचा इतिहास माहित आहे. त्यांना माहित आहे की दलितांवर 3,000 वर्षापासून कोणी अत्याचार केले. पण ते संकोचने बोलत आहे. मला त्याचा अभिमान आहे. मला अभिमान आहे या गृहस्थाचा. त्याच्या मनात जे आहे ते त्यांनी मला सांगितले आहे. पण ते चुकीच्या पक्षात आहे. काळजी करू नका, घाबरू नका."

दरम्यान, पासवान यांनी काँग्रेस नेत्याला प्रत्युत्तर दिले. राहुल गांधी म्हणाले की, मी चुकीच्या पक्षात आहे. मला त्यांना सांगायचे आहे की, बनसगावचा खासदार झाल्यानंतर आज मी माझ्या पक्षामुळेच त्यांच्यानंतर बोलू शकलो आहे. माझ्या पक्षाने मला तीनदा खासदार केले. मी आणखी काय करू शकतो.