Terrorists Killed In Encounter at Jammu-kashmir: जम्मू-कश्मीरच्या कुपवाडा येथे सुरक्षा दलांसोबत झालेल्या चकमकीत दोन दहशतवादी ठार

Terrorists Killed In Encounter at Jammu-kashmir: जम्मू-काश्मीर (Jammu-kashmir) च्या कुपवाडा (Kupwara) येथे शनिवारी सुरू असलेल्या चकमकीत सुरक्षा दलांनी दोन दहशतवाद्यांना ठार केले. दरम्यान, चकमकीच्या ठिकाणाहून मोठा शस्त्रसाठा आणि दारूगोळाही जप्त करण्यात आला आहे. घुसखोरीच्या प्रयत्नाची माहिती मिळाल्यानंतर भारतीय लष्कर आणि जम्मू-काश्मीर पोलिसांनी संयुक्त कारवाई सुरू केली.

प्राप्त माहितीनुसार, कुपवाडा येथील गुगलधर परिसरात ही कारवाई करण्यात आली. शोध मोहिमेदरम्यान, सतर्क जवानांनी संशयास्पद हालचाली पाहिल्यानंतर त्यास आव्हान दिले, ज्यामुळे दहशतवाद्यांशी गोळीबार झाला. (हेही वाचा - Naxalites Killed In Encounter: छत्तीसगड पोलिसांशी झालेल्या चकमकीत 30 नक्षलवादी ठार, स्वयंचलित शस्त्रांचा मोठा साठा जप्त)

चकमकीबद्दल तपशील देताना, भारतीय लष्कराच्या चिनार कॉर्प्सने सांगितले की, सुरक्षा दलांनी चालू असलेल्या ऑपरेशन गुगलधरमध्ये दोन दहशतवाद्यांचा खात्मा केला आहे. याठिकाणाहून शस्त्रास्त्रे जप्त करण्यात आली आहेत. परिसरात शोध सुरू असून शोध मोहिम सुरू आहे.