PM Modi Gujarat Tour: पंतप्रधान मोदी आणि गृहमंत्री अमित शहा आज गुजरात दौऱ्यावर, अनेक सार्वजनिक कार्यक्रमात होणार सहभागी

पंतप्रधान नरेंद्र मोदी (PM Narendra Modi) आणि केंद्रीय गृहमंत्री अमित शहा (Union Home Minister Amit Shah) आज गुजरातला भेट देतील. राज्यातील अनेक भागांमध्ये सार्वजनिक कार्यक्रमात सहभागी होतील. राज्य सरकारने ही माहिती दिली आहे. गुजरातमध्ये या वर्षाच्या अखेरीस विधानसभा निवडणुका होणार आहेत.  28 मे रोजी सकाळी 10 वाजता मोदी राजकोट जिल्ह्यातील जसदन तालुक्‍यातील आटकोट गावात पटेल सेवा समाजाने बांधलेल्या रुग्णालयाचे उद्घाटन करतील.  याशिवाय राजकोट-भावनगर महामार्गावर 200 खाटांचे केडी परवाडिया मल्टीस्पेशालिटी हॉस्पिटल 40 कोटी रुपये खर्चून बांधण्यात आले आहे. यावेळी पंतप्रधान एका सभेला संबोधित करणार आहेत.

संध्याकाळी, मोदी गांधीनगरमध्ये सहकार संमेलनाला उपस्थित राहतील. अनेक सहकारी संस्थांच्या सुमारे 10,000 निवडून आलेल्या प्रतिनिधींना संबोधित करतील. अमित शहा सकाळी द्वारका येथील द्वारकाधीश मंदिराला भेट देतील. त्यानंतर जवळच्या कोस्टल पोलीस अकादमीतील प्रशिक्षणार्थींशी संवाद साधतील. सहकार संमेलनात ते इफ्को, कलोल येथे नॅनो युरिया प्लांटचे उद्घाटन करतील.  गांधीनगरमधील गुजरातचे सहकार क्षेत्र संपूर्ण देशासाठी आदर्श ठरले आहे. हेही वाचा International Chess Tournament: आंतरराष्ट्रीय बुद्धिबळ स्पर्धा 31 मे पासून श्री शिवछत्रपती क्रीडा संकुलातील बॉक्सिंग हॉलमध्ये खेळवली जाणार

राज्यात सहकार क्षेत्रात 84,000 हून अधिक संस्था आहेत. सुमारे 231 लाख सदस्य या मंडळांशी संबंधित आहेत. राज्यातील सहकार चळवळ बळकट करण्याच्या दिशेने आणखी एक पाऊल म्हणून गांधीनगर येथील महात्मा मंदिरात विविध सहकारी संस्थांच्या नेत्यांसोबत 'समृद्धीतून सहयोग' या विषयावर चर्चासत्राचे आयोजन करण्यात येणार आहे. या चर्चासत्रात राज्यातील विविध सहकारी संस्थांचे सात हजारांहून अधिक प्रतिनिधी सहभागी होणार आहेत. पंतप्रधान कलोल येथे सुमारे 175 कोटी रुपये खर्चून इफको निर्मित नॅनो युरिया प्लांटचे उद्घाटन करतील.

नॅनो युरियाच्या वापरातून पीक उत्पादन वाढवण्यासाठी अल्ट्रामॉडर्न नॅनो खताचा प्लांट उभारण्यात आला आहे. प्लांट दररोज 500 मिलीच्या सुमारे 1.5 लाख बाटल्या तयार करेल. अमित शाह दोन दिवसांच्या गुजरात दौऱ्यावर पोहोचतील. द्वारका मंदिरात भेट देतील आणि पूजा करतील. गांधीनगरमध्ये एका परिषदेला संबोधित करतील जिथे मोदी देखील मुक्काम करणार आहेत. दुपारी 4 वाजता पंतप्रधान नरेंद्र मोदी सहकार से समृद्धी परिषदेला संबोधित करतील आणि IFFCO कलोल युनिट येथे जगातील पहिल्या 'नॅनो युरिया प्लांट'चे उद्घाटनही करतील.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)