5G Launch: पंतप्रधान नरेंद्र मोदी आज करणार 5G सेवांचे उद्घाटन; देशातील दळणवळण क्रांतीच्या नव्या पर्वाची होणार सुरुवात

5G Launch: पंतप्रधान नरेंद्र मोदी (PM Narendra Modi) आज देशात 5G दूरसंचार सेवा (5G services) सुरू करणार आहेत. देशात 5G सेवा सुरू झाल्यानंतर दळणवळण क्रांतीचे नवे पर्व सुरू होईल. हे अखंड कव्हरेज, उच्च डेटा दर, कमी विलंब आणि अत्यंत विश्वासार्ह संप्रेषण प्रणाली सुलभ करेल. पंतप्रधान कार्यालयाने (PMO) दिलेल्या माहितीनुसार, दिल्लीतील प्रगती मैदानावर आयोजित कार्यक्रमात ते शनिवारी सकाळी 10 वाजता 5G सेवा सुरू करणार आहेत. यावेळी देशातील तीन प्रमुख टेलिकॉम ऑपरेटर्सही उपस्थित राहणार आहेत. पंतप्रधान मोदी हाय स्पीड मोबाईल इंटरनेट सुविधेच्या लॉन्चिंग दरम्यान दिल्लीच्या द्वारका सेक्टर 25 मधील आगामी मेट्रो स्टेशनच्या भूमिगत बोगद्यातून 5G सेवांच्या कार्याचे प्रात्यक्षिक देखील पाहतील.

दरम्यान, भारती एअरटेल आणि रिलायन्स जिओ पीएम मोदींच्या लोकसभा मतदारसंघ वाराणसी आणि गुजरातच्या गृहराज्यातील अहमदाबादमध्ये 5G मोबाइल सेवा सुरू करणार आहेत. या ठिकाणी दोन्ही राज्यांचे मुख्यमंत्री उपस्थित राहणार आहेत. (हेही वाचा - Bank Rules Change From Oct: 1 ऑक्टोबरपासून बदलले 'हे' सरकारी नियम; याचा तुमच्यावर काय परिणाम होणार, जाणून घ्या)

आज 5G लाँच करताना, रिलायन्स जिओ मुंबईतील एका शाळेतील शिक्षकाला महाराष्ट्र, गुजरात आणि ओडिशा या तीन वेगवेगळ्या ठिकाणांहून आलेल्या विद्यार्थ्यांशी जोडेल. 5G शिक्षकांना विद्यार्थ्यांच्या जवळ आणून, त्यांच्यातील भौतिक अंतर कमी करून शिक्षण कसे सुलभ करेल हे दाखवले जाईल. हे स्क्रीनवर ऑगमेंटेड रिअॅलिटी (एआर) ची शक्ती देखील प्रदर्शित करेल.

5G सेवा प्रदर्शनात पीएम मोदी होणार सहभागी -

प्रगती मैदानावर होणाऱ्या या कार्यक्रमात पंतप्रधान मोदी एका प्रदर्शनाला भेट देणार आहेत. जिथे ते अनेक क्षेत्रात 5G तंत्रज्ञानाचा वापर पाहणार आहे. प्रदर्शनात पंतप्रधानांसमोर दाखवल्या जाणार्‍या विविध वापर प्रकरणांमध्ये अचूक ड्रोन आधारित शेतीचा समावेश आहे. यासोबतच या प्रदर्शनात हाय-सिक्युरिटी राउटर्स आणि AI आधारित सायबर धोका शोध प्लॅटफॉर्मचा समावेश करण्यात आला आहे.

दरम्यान, दूरसंचार मंत्री अश्विनी वैष्णव यांनी काही दिवसांपूर्वी एक निवेदन जारी केले होते की, देशात वेगवेगळ्या टप्प्यांमध्ये 5G हळूहळू सुरू केले जाईल. पहिल्या टप्प्यासाठी 13 शहरांची निवड करण्यात आली आहे. या शहरांमध्ये 5G सेवा सुरू केली जाईल.