Manisha Sanjay Havaldar: कोण आहेत मनीषा संजय हवालदार? नीट पेपर लीक प्रकरणात सीबीआयकडून पुण्याच्या प्राचार्यांना अटक
पुण्याच्या एका नामांकित शाळेच्या प्राचार्या मनीषा संजय हवालदार यांना सीबीआयने (CBI) नीट परीक्षा (NEET-UG) पेपर लीक केल्याच्या आरोपावरून अटक केली आहे.
वैद्यकीय प्रवेश परीक्षा नीट-यूजी (NEET-UG) पेपर लीक प्रकरणाचा तपास करणाऱ्या केंद्रीय अन्वेषण विभागाने (CBI) पुण्यातून एक मोठी कारवाई केली आहे. पुण्याच्या एका नामांकित शाळेच्या प्राचार्या मनीषा संजय हवालदार (Manisha Sanjay Havaldar) यांना सीबीआयने या घोटाळ्याचा मुख्य स्त्रोत (Source) असल्याच्या संशयावरून अटक केली आहे.
मनीषा हवालदार यांनी राष्ट्रीय परीक्षा एजन्सीद्वारे (NTA) नियुक्त पेपर अनुवादक (Translator) म्हणून काम करताना गोपनीय प्रश्न लीक केल्याचा गंभीर आरोप त्यांच्यावर ठेवण्यात आला आहे. विशेष म्हणजे, सेवानिवृत्तीला अवघे काही दिवस शिल्लक असताना त्यांच्यावर ही कारवाई करण्यात आली आहे.
#WATCH | NEET UG Paper leak case: Accused Manisha Sanjay Hawaldar brought to Delhi's Rouse Avenue court.
She is a physics teacher and was arrested from Pune, Maharashtra, in the NEET UG Paper leak case pic.twitter.com/p1LU0G0Bp3
— ANI (@ANI) May 25, 2026
मनीषा संजय हवालदार या पुण्याच्या 'सेठ हिरालाल सराफ प्रशाला' येथे प्राचार्या म्हणून कार्यरत आहेत. एनटीएने (NTA) त्यांची नीट परीक्षेसाठी प्रश्न भाषांतरित करण्यासाठी तज्ज्ञ म्हणून निवड केली होती.
सीबीआयने सादर केलेल्या माहितीनुसार, हवालदार यांनी या नियुक्तीदरम्यान गोपनीय प्रश्नांच्या हस्तलिखित नोट्स तयार करून स्वतःकडे ठेवल्या होत्या. हे प्रश्न त्यांनी परीक्षेपूर्वीच काही विद्यार्थ्यांना आणि अन्य एका सह-आरोपीला पुरवल्याचे तपासात निष्पन्न झाले आहे.
(The above story first appeared on LatestLY on May 25, 2026 01:00 PM IST. For more news and updates on politics, world, sports, entertainment and lifestyle, log on to our website latestly.com).
