Surgical Strike In Balakot: बालाकोटमध्ये सर्जिकल स्ट्राइक झालीच नाही; संरक्षण मंत्रालयलाची माहिती

मीडियामध्ये आलेल्या सर्जिकल स्ट्राईकच्या बातम्यांचे लष्कराने खंडन केले आहे. संरक्षण पीआरओ, जम्मू यांनी आज एक निवेदन जारी करून म्हटले आहे की, 'सर्जिकल स्ट्राईक संदर्भात एक बातमी प्रसिद्ध झाली आहे, राजौरी-पुंछमध्ये असे कोणतेही ऑपरेशन केले गेले नाही. काल घुसखोरीचा प्रयत्न हाणून पाडण्यात आला. खरं तर, एका हिंदी वृत्तपत्राने राजौरी डेटलाइनवरून बातमी प्रकाशित केली आहे की आमच्या जवानांनी राजौर आणि पूंछ जिल्ह्यांमधील नियंत्रण रेषा ओलांडली आणि पीओकेच्या कोटली नाकयालमध्ये कार्यरत दहशतवाद्यांचे चार लॉन्चिंग पॅड नष्ट केले असल्याचे लष्कराकडून म्हटले आहे.

या सर्जिकल स्ट्राईकमध्ये भारतीय जवानांनी सुमारे 2.5 किमी आत घुसले आणि 7 ते 8 दहशतवादी मारले गेल्याचा दावा वृत्तपत्रातील बातम्यांमध्ये करण्यात आला होता. यामध्ये पाकिस्तानी लष्कराच्या बॅट टीममधील सदस्यांचाही समावेश असू शकतो. एलओसी ओलांडून या लॉन्चिंग पॅड्सवर मोठ्या हल्ल्याची योजना आखली जात असल्याची माहिती भारतीय यंत्रणांना मिळाली होती.

सूत्रांच्या हवाल्याने वृत्तपत्राने दावा केला होता की 12 ते 15 कमांडोनी ही मोहीम पार पाडली. विशेष दलाच्या या कमांडोनी राजौरीतील तारकुंडी सेक्टर आणि पूंछच्या भींभार गलीदरम्यान पायी चालत नियंत्रण रेषा ओलांडल्याचे सांगण्यात आले. रात्रीच्या वेळी संपूर्ण सतर्कतेने हे अभियान राबवण्यात आले आणि दहशतवाद्यांना पळून जाण्याची कोणतीही संधी मिळाली नाही. आता मात्र लष्कराने याचे खंडन केले आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)