Nayab Singh Saini's Oath Ceremony: नायब सिंग सैनी 17 ऑक्टोबर रोजी हरियाणाच्या मुख्यमंत्रिपदाची दुसऱ्यांदा शपथ घेणार, पंतप्रधान मोदींसह भाजपचे अनेक वरिष्ठ नेते उपस्थित राहणार

Nayab Singh Saini's Oath Ceremony:  हरियाणा विधानसभा निवडणुकीत 48 जागा जिंकून सलग तिसऱ्यांदा सरकार स्थापन करणाऱ्या भाजपने इतिहास रचला आहे. आता हरियाणातील जनतेला त्यांचा मुख्यमंत्री मिळणार आहे. नायब सैनी 17 ऑक्टोबर रोजी राज्याचे पुढील मुख्यमंत्री म्हणून शपथ घेणार आहेत. पंतप्रधान नरेंद्र मोदींसह भाजपचे अनेक ज्येष्ठ नेते शपथविधी सोहळ्याला उपस्थित राहणार आहेत. त्यासाठीची तयारी सुरू झाली आहे.  ( Haryana: 15 ऑक्टोबर रोजी नायबसिंग सैनी घेणार हरियाणाचे मुख्यमंत्री म्हणून शपथ, जाणून घ्या, अधिक तपशील )

मिळालेल्या माहितीनुसार, आयोजित केला जाणार आहे. तत्पूर्वी सेक्टर-5 परेड ग्राऊंडवर कार्यक्रमाचे आयोजन करण्यात आले होते. मात्र काही कारणास्तव कार्यक्रमाचे ठिकाण बदलण्यात आले आहे. आता ते शालिमार दसरा मैदान, सेक्टर-5, पंचकुला येथे केले जात आहे. रविवारी दसरा मैदानाची पाहणी करण्यासाठी वरिष्ठ पोलीस आणि जिल्हा प्रशासनाचे अधिकारी दाखल झाले. शपथविधी सोहळ्यासाठी येथे भव्य स्टेज तयार करण्यात येत आहे.

नायब सैनी यांनी अलीकडेच त्यांच्या शपथविधी सोहळ्याबाबत सांगितले होते की, हरियाणा राज्यातील भारतीय जनता पक्षाच्या कार्यकर्त्यांमध्ये आणि हरियाणातील 2 कोटी 80 लाख लोकांमध्ये उत्साहाचे वातावरण आहे. राज्यात भाजप सलग तिसऱ्यांदा पूर्ण बहुमताने आला आहे. पंतप्रधान नरेंद्र मोदी यांना शपथविधी सोहळ्यासाठी वेळ मिळाला आहे. याशिवाय पक्षाचे सर्वोच्च नेतेही या कार्यक्रमाला येत आहेत.

या वर्षी मार्चमध्ये भाजपने मनोहर लाल यांच्या जागी नायब सिंह सैनी यांना मुख्यमंत्री बनवले होते. 17 ऑक्टोबरला ते दुसऱ्यांदा मुख्यमंत्रीपदाची शपथ घेणार आहेत.

हरियाणामध्ये ५ ऑक्टोबरला विधानसभेसाठी मतदान झाले आणि 8 ऑक्टोबरला मतमोजणी झाली. निवडणूक निकालात भाजप सर्वात मोठा पक्ष ठरला आहे. 90 पैकी 48 जागा जिंकून बहुमताचा आकडा पार केला. पण, काँग्रेसने पराभवासाठी ईव्हीएम आणि निवडणूक आयोगाला जबाबदार धरले. काँग्रेसने 20 तक्रारींसह निवडणूक आयोगाकडेही धाव घेतली आहे.