रेल्वे प्रवाशांसाठी खुशखबर! आता पोस्ट ऑफिसच्या माध्यमातून ही करता येईल तिकिटाचे रिजर्व्हेशन

सर्व प्रकारची ऑनलाइन आणि ऑफलाईन व्यवस्था करूनही रेल्वे प्रवाशांना आरक्षण तिकीट मिळणे कठीण काम आहे. जर तुम्हाला आयआरसीटीसीची ऑनलाइन तिकिटे खरेदी करायची असतील, तर वेळ इतका कमी आहे की आरक्षण वेटिंगमध्ये जाते. काउंटरवरून तिकीट काढण्यासाठी लांबच लांब रांगा लावाव्या लागतात. एजंटकडून तिकीट घ्यायचे असेल तर खिसा सोडावा लागतो. अशा परिस्थितीत आता प्रवाशांना घराशेजारील पोस्ट ऑफिसमधून आरक्षण तिकीट कापता येणार असल्याने रेल्वेचा हा उपक्रम स्तुत्य आहे.

भारतीय रेल्वेने आरक्षण तिकिटे देण्यासाठी टपाल विभागाशी करार केला आहे. या नव्या करारानुसार पोस्ट ऑफिसमध्ये ट्रेन आरक्षणाची सुविधा सुरू करण्यात आली आहे. रेल्वे रिझर्व्हेशन काउंटरसह ही नवीन सुविधा सुरू झाल्यानंतर प्रवासाच्या वेळेपूर्वी स्थानकांवर होणारी गर्दी कमी होणार आहे. पोस्ट ऑफिस सर्वत्र असल्याने आणि ही सुविधा गावांपासून शहरांपर्यंत उपलब्ध आहे. त्यामुळे पोस्ट ऑफिसमधून तिकीट घेऊनच लोक प्रवासाला निघतील. त्यांना ना ऑनलाइन तिकिटासाठी प्रतीक्षा करावी लागणार आहे ना रेल्वे काउंटरवर गर्दीचा सामना करावा लागणार आहे.(Tamil Nadu: जल्लीकुट्टू खेळ पुन्हा जीवघेणा ठरला, मदुराईत स्पर्धेदरम्यान एकाचा मृत्यू, 80 जण जखमी)

रेल्वेने दिलेल्या माहितीनुसार, देशातील 1947 पोस्ट ऑफिसमध्ये तिकीट बुकिंगची सुविधा सुरू करण्यात आली आहे. नंतर हळूहळू त्याची संख्या वाढवली जाईल. त्यामुळे प्रवाशांचा वेळ वाचणार असून त्यांना तिकीट घेण्यासाठी स्थानकावर जावे लागणार नाही तसेच रेल्वे एजंटला भरमसाट कमिशन देऊन तिकीट काढण्याची गरज भासणार नाही. तुमच्या घराशेजारील पोस्ट ऑफिसमध्ये जाऊन तुमच्या प्रवासाच्या तपशीलाचा फॉर्म भरून आरक्षण तिकीट काढता येईल. याबाबतची माहिती रेल्वेने आपल्या वेबपोर्टलवर दिली आहे.

रेल्वेच्या म्हणण्यानुसार ही सुविधा देशातील निवडक पोस्ट ऑफिसमध्येच सुरू करण्यात आली आहे. रेल्वे आरक्षण तिकीट कापण्याची सुविधा पोस्ट ऑफिसमध्ये उपलब्ध आहे आणि तीही सर्व वर्गांसाठी. सामान्य ते आरक्षण आणि एसी इत्यादी तिकीटांसाठी तुम्ही पोस्ट ऑफिसमध्ये जाऊ शकता. यासाठी टपाल विभाग आणि रेल्वे मंत्रालय यांच्यात करार करण्यात आला आहे. ही सुविधा नुकतीच सुरू करण्यात आली आहे. ज्या भागात आधीपासून रेल्वे हेड किंवा तिकीट काउंटर नाही अशा ठिकाणी पोस्ट ऑफिसमध्ये रेल्वे तिकिटाची ही सुविधा सुरू करण्यात आल्याचे रेल्वेने सांगितले आहे. ही सुविधा देशातील ग्रामीण आणि निमशहरी भागात नुकतीच सुरू करण्यात आली आहे. कोणत्या भागात पोस्ट ऑफिसमध्ये बुकिंगची सुविधा सुरू झाली आहे

(The above story first appeared on LatestLY on Jan 16, 2022 06:29 PM IST. For more news and updates on politics, world, sports, entertainment and lifestyle, log on to our website latestly.com).