Indian Army Donation Alert: भारतीय लष्करासाठी देणगीबाबत फसवे संदेश; संरक्षण मंत्रालयाकडून कारवाईचा इशारा

Fake Donation Alert: संरक्षण मंत्रालयाने रविवारी एक सूचना जारी करून नागरिकांना भारतीय सैन्याच्या आधुनिकीकरणाला पाठिंबा देण्यासाठी आणि युद्धात जखमी किंवा मृत्युमुखी पडलेल्या सैनिकांना मदत करण्यासाठी देणगी (Army Welfare Donation) मागणाऱ्या दिशाभूल करणाऱ्या व्हॉट्सअॅप संदेशाबद्दल (WhatsApp Fake Messages) इशारा दिला. व्हायरल संदेशात खोटा दावा केला आहे की, केंद्रीय मंत्रिमंडळाने देणगी प्राप्त करण्यास मान्यता दिली आहे आणि या उपक्रमाचा सूत्रधार म्हणून अभिनेता अक्षय कुमार (Akshay Kumar) याचे नाव घेतले आहे. यासोबतच चुकीची बँक खातीही शेअर करण्यात आली आहेत. ज्यांवर ऑनलाइन व्यवहार अयशस्वी होत आहेत.ॉ. मंत्रालयाने आपल्या अधिकृत निवेदनात स्पष्ट केले की, 'उक्त संदेशातील खात्याचे तपशील चुकीचे आहेत, ज्यामुळे ऑनलाइन देणगी देणारांची दिशाभूल होते. लोकांनी सावधगिरी बाळगली पाहिजे आणि अशा फसव्या संदेशांना बळी पडू नये.

देणगी देण्याचा अधिकृत मार्ग

सक्रिय ऑपरेशन्स दरम्यान मृत्युमुखी पडलेल्या किंवा गंभीर जखमी झालेल्या सैनिकांच्या कुटुंबियांना मदत करण्यासाठी सरकारने अनेक अधिकृत कल्याणकारी उपक्रम सुरू केले आहेत. असाच एक उपक्रम म्हणजे 2020मध्ये स्थापन झालेला सशस्त्र दल युद्ध अपघात कल्याण निधी. हा निधी शहीद किंवा जखमी सैनिक, खलाशी आणि हवाई दलातील जवानांच्या कुटुंबियांना त्वरित आर्थिक मदत प्रदान करतो. या अधिकृत निधीमध्ये देणगी थेट खालील सत्यापित बँक खात्यांद्वारे दिली जाऊ शकते. (हेही वाचा, Mission Ready, Always Prepared, Ever Vigilant! पहलगाम दहशतवादी हल्ल्यानंतर भारतीय नौदल आणि लष्कर तयारीत; सोशल मीडिया पोस्ट व्हायरल)

अधिकृत पद्धतीने देणगी कशी द्यावी?

सरकारने शहीद किंवा गंभीर जखमी सैनिकांच्या कुटुंबांसाठी अनेक अधिकृत कल्याणकारी योजना सुरू केल्या आहेत. यामध्ये 2020 मध्ये स्थापन करण्यात आलेला Armed Forces Battle Casualty Welfare Fund (AFBCWF) महत्त्वाचा आहे. या निधीतून युद्ध किंवा ऑपरेशन दरम्यान शहीद किंवा गंभीर जखमी झालेल्या सैनिक, नौदल व हवाई दलाच्या जवानांच्या कुटुंबांना तात्काळ आर्थिक मदत दिली जाते.

अधिकृत बँक खात्याची माहिती:

पहिले खाते:

• निधीचे नाव: Armed Forces Battle Casualties Welfare Fund
• बँकेचे नाव: कॅनरा बँक, साउथ ब्लॉक, डिफेन्स मुख्यालय, नवी दिल्ली - 110011
• IFSC कोड: CNRB0019055
• खाते क्रमांक: 90552010165915
• खाते प्रकार: बचत खाते

दुसरे खाते:

याशिवाय, देणगीदारांनी AFBCWF च्या नावे ड्राफ्ट काढून नवी दिल्ली येथे पाठवू शकतात. ड्राफ्ट खालील पत्त्यावर पाठवावा:

पोस्टल पत्ता:

Accounts Section,

Adjutant General's Branch,

Ceremonial & Welfare Directorate,

Room No 281-B, South Block,

IHQ of MoD (Army), New Delhi - 110011

संरक्षण मंत्रालयाचा नागरिकांना इशारा

संरक्षण मंत्रालयाने सर्व नागरिकांना विनंती केली आहे की, कोणतीही आर्थिक मदत करताना अधिकृत सरकारी स्त्रोतांवरूनच खात्री करून द्यावी. वरील अधिकृत बँक खाती व पद्धती यांचाच उपयोग करावा.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)