India Post GDS Recruitment 2025: डाक विभागामध्ये 21413 जागांसाठी होणार नोकरभरती; indiapostgdsonline.gov.in वर करा 3 मार्च पूर्वी अर्ज
डाक विभागात नोकरभरतीसाठी 10 फेब्रुवारी पासून अर्ज भरण्याची प्रक्रिया सुरू झाली आहे. 3 मार्च 2025 पर्यंत त्यासाठी अर्ज करता येणार आहे.
भारतीय पोस्ट खात्यामध्ये आता बंपर नोकरभरतीची घोषणा करण्यात आली आहे. ग्रामीण डाक सेवक पदासाठी ही नोकरभरती आहे. पात्र उमेदवार ज्यांना Postmaster (BPM)/Assistant Branch Postmaster (ABPM)/Dak Sevaks पदासाठी अर्ज करायचा आहे त्यांना पोस्टाच्या विविध विभागांमध्ये काम करण्याची संधी मिळणार आहे. India Post ची अधिकृत वेबसाईट indiapostgdsonline.gov.in वर डिरेक्ट लिंकच्या माध्यमातून उमेदवारांना अर्ज करता येणार आहे. या नोकरभरतीच्या माध्यमातून 21,413 जागांसाठी नोकरभरती होणार आहे.
डाक विभागात नोकरभरतीसाठी 10 फेब्रुवारी पासून अर्ज भरण्याची प्रक्रिया सुरू झाली आहे. 3 मार्च 2025 पर्यंत त्यासाठी अर्ज करता येणार आहे. तर अर्ज केल्यानंतर correction window ही 6 मार्चला उघडली जाईल. 8 मार्चला ती बंद होणार आहे.
इथे पहा सविस्तर नोटीफिकेशन
अर्ज करण्यासाठी इथे पहा डिरेक्ट लिंंक
पात्रता निकष
पोस्ट खात्यामध्ये नोकरभरतीसाठी अर्ज करणार्‍यांचे किमान शिक्षण 10 वी पास आवश्यक आहे. दहावीला त्यांनी गणित आणि इंग्रजी हे दोन विषय घेणं आवश्यक आहे. तर अर्ज करणार्‍यांची वयोमर्यादा 18 ते 40 वर्ष आहे.
ग्राम डाक सेवकांना Time Related Continuity Allowance दिला जाईल. दरवर्षी तो 3% वाढतो. तर पगार Rs.12,000/- to Rs.29,380/ या रेंजमध्ये असणार आहे.ABPM/Dak Sevak चा पगार Rs.10,000/- Rs.24,470 असणार आहे.
अर्ज करणार्‍यांमध्ये दहावीच्या मार्कांच्या आधारे निवड प्रक्रियेत उमेदवार निवडले जातील. दरम्यान सार्‍या प्रवर्गातील उमेदवारांना 100 रूपये फी असेल.महिला, एससी, एसटी उमेदवार, दिव्यांग आणि ट्रान्सवूमन असल्यास त्यांना अ‍ॅप्लिकेशन फी माफ असणार आहे. ऑनलाईन मोडच्या माध्यमातून अर्जदारांना फी भरता येणार आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)