Indian Air Force Day 2020: भारतीय वायु सेनेच्या 88 व्या वर्धापन दिनानिमित्त वीर योद्धांच्या सन्मानार्थ गाजियाबाद मध्ये विशेष कार्यक्रमाचे आयोजन, See Photos
भारतीय वायुसेनेच्या या अद्भूत सोहळ्यात हेलिकॉप्टरमधून आकाशात भारताचा तिरंगा झेंडा फडकावत सर्वांनी त्याला सलामी दिली. तसेच येथे वायुसेना दलाचे विशेष परेडचे आयोजन करण्यात आले होते.
हवाईमार्गे देशावर हल्ले करणा-या शत्रूला रोखण्यात महत्त्वाची भूमिका बजावणा-या भारतीय वायुसेनेच्या वीर योद्धांचा सन्मान करण्याचा आज दिवस. 8 ऑक्टोबर हा दिवस संपूर्ण देशभरात भारतीय वायुसेना दिन (Indian Air Force Day 88th Anniversary) साजरा केला जातो. त्यानिमित्ताने गाजियाबाद येथे विशेष कार्यक्रमाचे आयोजन करण्यात आले आहे. या कार्यक्रमासाठी हिंडन एअरबेस येथे चीफ ऑफ डिफेन्स स्टाफ जनरल बिपिन रावत (Bipin Rawat), सेना प्रमुख, जनरल मनोज मुकुंद नारावणे (Manoj Naravane) आणि नॅशनल स्टाफ चीफ अ‍ॅडमिरल करंबीर सिंह (Karambir Singh) उपस्थित होते. तसेच IAF चे मुख्य वायुसेना प्रमुख मार्शल राकेश कुमार सिंह भदौरिया यांनी विशेष कार्यक्रमाची आणि परेडची विशेष पाहणी केली. स्कॉड्रॉन लीडर शिवांगी राजावत या महिलेने निशान टोली एअरफोर्स स्टेशनवर काढण्यात आलेल्या मार्चचे नेतृत्व केले.
भारतीय वायुसेनेच्या या अद्भूत सोहळ्यात हेलिकॉप्टरमधून आकाशात भारताचा तिरंगा झेंडा फडकावत सर्वांनी त्याला सलामी दिली. तसेच येथे वायुसेना दलाचे विशेष परेडचे आयोजन करण्यात आले होते.
पाहा फोटोज:
डोळ्यांचे पारणं फेडणा-या या कार्यक्रमात वायुसेनेच्या वीर योद्धांना गौरविण्यात आले.
भारतीय वायु सेना जगातील सर्वात मोठी वायुसेनांपैकी एक असून या यादीत ती चौथ्या स्थानावर आहे. या यादीत अमेरिका, चीन, रुस या देशानंतर भारताकडे ही सर्वात मोठी वायुसेना आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)