Rohit Sharma Stats In Test Cricket Against New Zealand: न्यूझीलंडविरुद्धच्या कसोटी क्रिकेटमध्ये रोहित शर्माची कामगिरी अशी आहे, पहा आकडेवारी
तर तिसरा आणि शेवटचा सामना मुंबईच्या वानखेडे स्टेडियमवर होणार आहे.अशा परिस्थितीत न्यूझीलंडविरुद्धच्या कसोटी क्रिकेटमधील 'हिटमॅन'च्या आकडेवारीवर एक नजर टाकूया.
India National Cricket Team vs New Zealand National Cricket Team, Test Series 2024: आजपासून म्हणजेच 16 ऑक्टोबरपासून भारत आणि न्यूझीलंड(IND vs NZ) यांच्यात तीन सामन्यांची कसोटी मालिका खेळवली (,IND vs NZ 1st Test 2024)जात आहे. उभय संघांमधील हा सामना बेंगळुरूच्या एम चिन्नास्वामी स्टेडियमवर (M Chinnaswamy Stadium)होणार होता. मात्र, पावसामुळे पहिल्या दिवसाचा खेळ रद्द झाला. या मालिकेत टीम इंडियाची जबाबदारी रोहित शर्माच्या(Rohit Sharma) खांद्यावर आहे. तर न्यूझीलंडचे नेतृत्व टॉम लॅथम करत आहे. (हेही वाचा:IND vs NZ 1st Test Called Off on Day 1: भारत विरुद्ध न्यूझीलंड कसोटी सामन्यात पावसाचा धुमाकूळ; पहिल्या दिवसाचा खेळ रद्द )
न्यूझीलंडविरुद्ध रोहित शर्माची कामगिरी
टीम इंडियाचा कर्णधार रोहित शर्माने 2014 साली न्यूझीलंडविरुद्ध पहिला सामना खेळला होता. रोहित शर्माने आतापर्यंत न्यूझीलंडविरुद्ध ६ कसोटी सामने खेळले आहेत. या कालावधीत त्याने 11 डावात 3 वेळा नाबाद राहताना 424 धावा केल्या. रोहित शर्माची सरासरी 53 आहे. दरम्यान, रोहित शर्माने 4 अर्धशतके झळकावली आहेत. रोहित शर्माची सर्वोत्तम धावसंख्या 82 धावा आहे. बांगलादेश आणि न्यूझीलंड हे दोन कसोटी खेळणारे देश आहेत ज्यांच्याविरुद्ध रोहित शर्माला कसोटी क्रिकेटमध्ये शतक झळकावता आलेले नाही.
रोहित शर्माची कसोटी क्रिकेटमध्ये मायभूमीवरील कामगिरी
मायभूमीवर रोहित शर्माची आकडेवारी आश्चर्यकारक आहे. रोहित शर्माने 2013 मध्ये पहिला सामना खेळला होता. या कालावधीत रोहित शर्माने 31 सामन्यांच्या 49 डावांमध्ये 6 वेळा नाबाद राहताना 56.83 च्या सरासरीने 2,444 धावा केल्या आहेत. रोहित शर्माने 10 शतके आणि 7 अर्धशतके केली आहेत. रोहित शर्माची सर्वोत्तम धावसंख्या 212 आहे. रोहित शर्मा भारतीय भूमीवर केवळ एकदाच शून्यावर बाद झाला आहे.
कर्णधार म्हणून रोहित शर्माची आकडेवारी
कर्णधार म्हणून रोहित शर्माने 2022 साली कसोटी क्रिकेटमध्ये पहिला सामना खेळला. रोहित शर्माने आतापर्यंत 18 सामने खेळले आहेत. त्याने 31 डावांमध्ये 37.73 च्या सरासरीने 1,132 धावा केल्या आहेत. या कालावधीत रोहित शर्माने 4 शतके आणि 3 अर्धशतके झळकावली आहेत. रोहित शर्माची सर्वोत्तम धावसंख्या 131 धावा आहे. सन 2024 मध्ये रोहित शर्माने 8 कसोटी सामन्यांच्या 15 डावात 35.50 च्या सरासरीने 497 धावा केल्या आहेत.
रोहित शर्माची कसोटी कारकीर्द काहीशी गाजली
टीम इंडियाचा कर्णधार आणि सलामीवीर रोहित शर्माने 2013 साली वेस्ट इंडिजविरुद्ध पहिला कसोटी सामना खेळला होता. रोहित शर्माने आतापर्यंत 61 कसोटी सामने खेळले आहेत. त्याच्या 105 डावात त्याने 10 वेळा नाबाद राहून 4,179 धावा काढल्या. रोहित शर्माची सरासरी 43.98आहे. या कालावधीत रोहित शर्माने 12 शतके आणि 17 अर्धशतके झळकावली आहेत. रोहित शर्माची सर्वोत्तम धावसंख्या 212 आहे. रोहित शर्माने आपल्या कसोटी कारकिर्दीत इंग्लंडविरुद्ध सर्वाधिक 1147 धावा केल्या आहेत.