Priyanka Gandhi Vadra News: प्रियंका गांधी यांचे नाव ईडीच्या आरोपपत्रात; हरियाणातील जमनी खरेदी प्रकरण

अंमलबजावणी संचालनालयाने (ED) दाखल केलेल्या आरोपपत्रात प्रथमच काँग्रेस नेत्या प्रियंका गांधी वाड्रा (Priyanka Gandhi Vadra) यांचे नाव आले आहे. अनिवासी भारतीय उद्योगपती सीसी थंपी (CC Thampi) यांच्याशी संबंधित मनी लाँड्रिंग प्रकरणाशी (Money Laundering Case) संबंधीत असलेले हे आरोपपत्र आहे. या प्रकरणात प्रियंका यांचे पती रॉबर्ट वाड्रा यांच्यावर यापूर्वीच आरोप लावलण्यात आले आहेत. ज्यात आता नव्या नावाची भर पडली आहे. ईडीने आरोप केला आहे की वड्रा आणि थम्पी यांचे परर्परांशी दीर्घकालीन हितसंबंध आहेत. जे सामान्य व्यावसायिक हितसंबंधांसाठीही वापरले गेले.

आरोपांचा तपशील:

ईडीने आपल्या निवेदनात म्हटले आहे की, रॉबर्ट वाड्रा आणि प्रियंका गांधी वाड्रा हे दिल्लीस्थित रिअल इस्टेट एजंटच्या माध्यमातून हरियाणातील जमीन खरेदीत गुंतले होते. हा एजंट आणि या पतीपत्नींनी मिळून एनआरआय व्यापारी सीसी थंपी यांच्यासाठी जमिनीच्या व्यवहाराची सोय केली. एजन्सीचा दावा आहे की वाड्रा आणि थंपी यांचे केवळ वैयक्तिक पातळीवरच नव्हे तर सामायिक व्यवसाय उपक्रमांमध्येही घनिष्ठ संबंध आहेत. (हेही वाचा, EC Notice To Priyanka Gandhi: प्रियंका गांधी यांना निवडणूक आयोगाने बजावली कारणे दाखवा नोटीस; PM Narendra Modi यांच्याबद्दल केली होती टिपण्णी)

मोठ्या प्रकरणाची पार्श्वभूमी:

या गंभीर प्रकरणात शस्त्रास्त्र व्यापारी संजय भंडारी यांचा समावेश आहे, जो मनी लाँड्रिंग, परकीय चलन कायद्याचे उल्लंघन आणि अधिकृत गुप्त कायद्याचे उल्लंघन केल्याप्रकरणी चौकशीत आहे. फरारी भंडारी 2016 मध्ये यूकेला पळून गेला होता. त्याला मदत करणाऱ्यांमध्ये सीसी थंपी आणि ब्रिटिश नागरिक सुमित चड्ढा यांचा समावेश आहे. (हेही वाचा, Priyanka Gandhi Meets Sakshi Malik: प्रियंका गांधींनी घेतली साक्षी मलिकची भेट, कुस्तीपटूने संजय सिंग यांच्या निषेधार्थ घेतला संन्यास)

नवीन चार्जशीटमधील तपशील:

नोव्हेंबरमध्ये दाखल करण्यात आलेल्या ताज्या आरोपपत्रात इस्टेट एजंट एचएल पाहवा, वड्रा आणि थंपी यांच्याशी जमिनीच्या व्यवहारात गुंतलेल्या, हरियाणा जमीन खरेदीसाठी पुस्तकाबाहेर रोख रक्कम मिळाल्याचा आरोप करण्यात आला आहे. वाड्रा यांनी मालमत्तेची पूर्ण देयके दिली नाहीत, असा दावा पुढे केला आहे. उल्लेखनीय म्हणजे, पाहवा यांनी प्रियंका गांधी वड्रा यांच्यासोबत शेतजमिनीची खरेदी आणि त्यानंतर विक्रीचाही समावेश करून जमिनीचे व्यवहार सुलभ केले.

वाड्रासोबत थम्पीच्या कनेक्शनवर ईडीचे प्रतिपादन:

ईडीचा दावा आहे की जानेवारी 2020 मध्ये अटक करण्यात आलेल्या सीसी थम्पीने रॉबर्ट वाड्रा यांच्याशी एक दशकाहून अधिक काळ संबंध असल्याची कबुली दिली आणि यूएई आणि दिल्ली येथे वारंवार भेटी घेतल्या. थम्पीने 2005 ते 2008 या कालावधीत हरियाणातील फरीदाबाद येथे जमीन संपादन करण्यासाठी एचएल पाहवा याच्या सेवांचा वापर केला.

लंडन मालमत्ता कनेक्शन:

ईडीचा याव्यतिरिक्त आरोप आहे की, संजय भंडारी यांनी डिसेंबर 2009 मध्ये लंडनमधील मालमत्ता मिळविली. रॉबर्ट वड्रा यांच्या निधीतून या मालमत्तांचे नूतनीकरण केले गेले. त्यामुळे या प्रकरणाशी वाड्रा यांचा संबंध आहे, असा ईडीचा दावा आहे. दरम्यान, या हाय-प्रोफाइल प्रकरणातील प्रमुख व्यक्तींचा समावेश असलेले गुंतागुंतीचे कनेक्शन आणि आर्थिक व्यवहार उघड करण्यासाठी तपास सुरू आहे.