पुणे जिल्ह्यात आज 369 कोरोना व्हायरस रुग्णांची नोंद; एकूण संक्रमितांची संख्या 7012 वर; 28 मे 2020 च्या ताज्या मराठी बातम्या आणि ब्रेकिंग न्यूज LIVE

पुणे जिल्ह्यात आज 369 कोरोना व्हायरस रुग्ण आढळून आले, तर कोरोना संक्रमित 10 जणांचा मृत्यू झाला. पुणे जिल्ह्यात कोरोना रुग्णांची आतापर्यंतची एकूण संख्या 7012 इतकी आहे. त्यातील आतापर्यंत 310 जणांचा मृत्यू झाला आहे.

कोरोना व्हायरसशी लढताना मालवणी पोलिस स्टेशनमधील जगदीश पांडुरंग पोटे यांचे निधन झाले आहे. मुंबई पोलिसांनी याबाबत माहिती दिली.

कोरोना व्हायरसमुळे ऑक्टोबरमध्ये नॅशनल गेम्स 2020 चे आयोजन करणे शक्य नसल्याचे गोव्याचे मुख्यमंत्री प्रमोद सावंत यांनी सांगितले आहे. ते भारतीय क्रीडा मंत्रालयाला भारतीय ऑलिम्पिक संघटनेशी आढावा घेण्यासाठी आणि नवीन तारखांचा निर्णय घेण्यासाठी पत्र लिहिणार आहेत.

कोरना व्हायरस संकटासोबत महाराष्ट्रात आलेले टोळधाडीचे संकट आव्हान बनले आहे. टोळधाड अवघ्या पिकासाठीच मारक असल्याने शेतकरी विविध उपाययोजना करत आहेत. त्याचाच एक भाग म्हणून महाराष्ट्रातील शेतकऱ्यांनी टोळधाड परतवून लावण्यासाठी वाद्यांचा वापर केला. शेतकऱ्यांनी ढोलताशे वाजवत तर प्रशासनाने जंतुनाशक फवारत टोळधाडीला पिटाळून लावण्याचा प्रयत्न केला.

नागपूर येथील रेड झोन असलेल्या मोमीनपुरा भागातील स्थानिकांनी आज परिसरातील रस्ते पुन्हा सुरू करण्याच्या मागणीसाठी निदर्शने केली. यावेळी सर्व प्रकारच्या सामाजिक अंतराच्या नियमांना धाब्यावर बसवण्यात आले होते.

मुंबईत आज कोरोना व्हायरसच्या 1438 रुग्णांची व 38 मृत्यूंची नोंद झाली आहे. शहरात आज 763 लोक या आजारातून बरे झाले आहेत. अशा प्रकारे मुंबईमधील एकूण रुग्णांची संख्या 35,273 झाली आहे.

पुणे येथील आयएमडी शास्त्रज्ञ डॉ. अनुपम कश्यपी यांनी दिलेल्या माहितीनुसार, 8 जूनपर्यंत मान्सून महाराष्ट्रात दाखल होण्याची शक्यता आहे. 30 मे पासून मान्सूनपूर्व गोष्टी पूर्ण करण्यास सुरुवात होण्याची अपेक्षा आहे.

राजस्थानमध्ये आज 251 नव्या कोरोना रुग्णांची कोरोना चाचणी पॉझिटिव्ह आली आहे. त्यामुळे राज्यातील कोरोनाग्रस्तांची संख्या 8067 वर पोहोचली आहे.

राज्यात आज 2598 कोरोना बाधीत रुग्णांची वाढ झाली व एकूण संख्या आता 59546 अशी झाली आहे. आज नवीन 698 कोरोना बाधित रुग्ण बरे झाले आहेत. एकूण 18616 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 38939 ऍक्टिव्ह रुग्ण आहेत.

औरंगाबाद जिल्ह्यात आज 38 नवे कोरोना बाधित रुग्ण आढळले आहेत. त्यामुळे जिल्ह्यातल्या रुग्णांची संख्या 1 हजार 398 झाली आहे. जिल्ह्यात आतापर्यंत 867 जण कोरोनामुक्त झाले असून आतापर्यंत 64 रुग्णांचा मृत्यू झाला आहे.

मुंबईतील टोळधाडीच्या झुंडीचे फोटो बनावट असल्याचे बीएमसी कीटकनाशके अधिकारी राजन नरिंगरेकर यांची सांगितले आहे.

धारावीत आज 36 नवे कोरोना पॉझिटिव्ह रुग्ण आढळून आले आहेत. त्यामुळे धारावीत कोरोनाग्रस्तांची संख्या 1675 वर पोहोचली आहे.

कर्नाटकमध्ये आज 115 नवीन कोरोना रुग्ण आढळून आहेत. त्यामुळे राज्यातील कोरोना बाधितांची संख्या 2533 इतकी झाली आहे.

केरळमध्ये आज 84 नवीन कोरोना संक्रमित रुग्ण आढळून आले असून एकाचा मृत्यू झाला आहे.

उत्तर प्रदेश मधील कानपूरमध्ये प्रतिस्पर्धी गटात झालेल्या गोळीबारात दोन जण ठार झाले असून पाच जणांना अटक करण्यात आल्याची माहिती पोलिसांकडून देण्यात आली आहे.

स्थलांतरित कामगारांकडून बस किंवा ट्रेनचे भाडे न घेण्याचा सुप्रीम कोर्टाने आदेश दिले आहेत.  तसेच राज्याने त्यांच्या खाण्याची सोय करावी. त्याचसोबत  रेल्वेने स्थलांतरितांना खाण आणि पिण्याच्या पाण्याची ट्रेनमध्ये सोय करावी असे स्पष्ट केले आहे.

उत्तर प्रदेशात कोरोनामुळे आणखी 7 जणांचा बळी गेल्याने आकडा 7071 वर पोहचला आहे.

देशाअंतर्गत विमान सेवेच्या माध्यमातून 27 मे पर्यंत  34,336 नागरिकांचा प्रवास झाला आहे.

तबलीघी जमात प्रकरणी दिल्ली पोलिसांच्या गुन्हे शाखेकडून 541  विदेशी नागरिकांच्या  विरोधात 12 चार्जशीट दाखल करण्यात आले आहे.

लॉकडाऊन काळात महाराष्ट्र पोलीसांवर हल्ल्याच्या 254 घटना, 86 जखमी, 833 जणांना अटक झाल्याची माहिती आज राज्याचे गृहमंत्री  अनिल देशमुख यांनी दिली आहे. दरम्यान पोलिस हेल्पलाईनवर तक्रारीचे फोन सारखे येत आल्याचेही त्यांनी म्हटलं आहे.