Coronavirus: गौतम गंभीर त्याचा एका महिन्याचा पगार Central Relief Fund साठी देणार; 28 मार्च 2020 च्या ताज्या मराठी बातम्या आणि ब्रेकिंग न्यूज LIVE

माजी क्रिकेटपटू गौतम गंभीर त्याचा एका महिन्याचा पगार Central Relief Fund साठी देणार आहे.

इटली येथे कोरोना व्हायरसबाधित रुग्णांचा आकडा 10 हजारांवर पोहचल्याची माहिती AFP यांनी दिली आहे.

पंतप्रधान नरेंद्र मोदी 29 मार्चला सकाळी 11 वाजता मन की बात मधून जनतेशी संवाद साधणार आहेत.

गुजरात येथे कोरोनाबाधित रुग्णांची संख्या 55 वर पोहचली असल्याची माहिती आरोग्य विभागाकडून देण्यात आली आहे.

मुंबई विमानतळावर तैनात असलेल्या हेड कॉन्स्टेबलची कोरोना व्हायरसची चाचणी पॉझिटिव्ह आली असल्याची माहिती समोर आली आहे. तर गेल्या काही दिवसांपासून या कॉन्स्टेबलवर मुंबईतील रुग्णालात उपचार सुरु असल्याचे सीआयएसएफ यांनी सांगितले आहे. 

कोरोना व्हायरमुळे सर्वत्र लॉकडाउनची परिस्थिती आहे. याच कारणास्तव  वकिल आणि सामाजिक कार्यकर्ते अमित सहानी यांनी सुप्रीम कोर्टात बेघरांच्या हक्कांसाठी याचिका दाखल केली आहे.

दिल्लीत कोरोनाबाधितांचा आकडा 49 वर पोहचला तर दोन जणांचा मृत्यू  झाल्याची माहिती आरोग्य विभागाकडून देण्यात आली आहे.

कोरोना विरोधातील लढ्यासाठी BCCI कडून पंतप्रधान निधीसाठी 51 कोटी रुपयांची मदत देण्यात आली आहे.

बॉलिवुड अभिनेता वरूण धवन याच्याकडून मुख्यमंत्री निधीस 25 लाखांची आर्थिक मदत करण्यात आली आहे. मुख्यमंत्री उद्धव ठाकरे यांच्याकडून वरूण धवनचे आभार मानण्यात आले आहेत.

कोरोना व्हायरस विरोधात लढा देण्यासाठी मुख्यमंत्री निधीस देणगी द्या, आवाहन मुख्यमंत्री उद्धव ठाकरे यांनी केलं आहे.

कोरोनाग्रस्त रुग्णांवर 1 एप्रिलपासून 'महात्मा फुले जन आरोग्य योजनेंतर्गत' उपचार होणार आहे. राज्य शासनाने यासंदर्भात महत्त्वपूर्ण निर्णय घेतला आहे.

कोरोना व्हायरस विरोधात लढा देण्यासाठी टाटा सन्सकडून अतिरिक्त 1000 कोटींची मदत करण्यात आली आहे.

देशात आतापर्यंत 918 जणांना कोरोनाची लागण झाली आहे. यातील 80 लोकांना डिस्चार्ज देण्यात आला आहे. तसेच 19 जणांनाचा कोरोनामुळे मृत्यू झाला आहे.

राज्यात आतापर्यंत 6 कोरोनाबाधित रुग्णांचा मृत्यू झाला आहे. यातील 4 रुग्ण हे मुंबईमधील होते. यासंदर्भात मुंबई महानगरपालिकेने माहिती दिली आहे.

दिल्लीमध्ये आजपासून 1 हजार दुकानात मोफत किराना मिळणार आहे. यासंदर्भात दिल्लीचे मुख्यमंत्री अरविंद केजरीवाल यांनी माहिती दिली आहे. पुढील दोन-तीन दिवसांत इतर दुकानांमध्येदेखील ही सुविधा सुरू करण्यात येणार आहे.

बॉलिवुड अभिनेता अक्षय कुमारकडून पंतप्रधान निधीस 25 कोटी रुपये मदत केली आहे. त्यानंतर  पंतप्रधान नरेंद्र मोदींनी अक्षय कुमार यानेचे ट्विट रिट्विट करत जनतेला मदतीचं आवाहन केलं आहे. देशाच्या सुरक्षितेसाठी प्रत्येकाने आपल्या बचतीतून कोरोनाचं संकट टाळण्याचा प्रयत्न करावा, असंही मोदींनी म्हटलं आहे.

कोरोना व्हायरसचा सामना करण्यासाठी टाटा ट्रस्टकडून केंद्र सरकारला तब्बल 500 कोटी रुपयांची मदत देण्यात आली आहे. कोरोना व्हायरसच्या पार्श्वभूमीवर टाटा ट्रस्टने दिलेली ही सर्वात मोठी मदत आहे.

 कोरोना व्हायरसच्या भीतीने गावी परतणाऱ्या कुटुंबाच्या दुचाकील अपघात झाला आहे. या अपघातात पती-पत्नीसह 6 वर्षांच्या मुलाचा मृत्यू झाला आहे. ही घटना कराडजवळ घडली. अपघातात मृत्यू झालेले कुटुंबीय हे कोल्हापूर येथील शाहूवाडी तालुक्यातील जांबूर गावातील रहिवासी असल्याचे समजते.

Coronavirus: कोरोना व्हायरसच्या पार्श्वभूमीवर केंद्रीय आरोग्य मंत्रालयाकडून तपशीलवार माहिती, पाहा व्हिडिओ

महाराष्ट्र: मध्य प्रदेशातील मूळ गावी फुकटात सोडण्याचे आश्वासन दिल्यानंतर ट्रक चालक त्यांच्याकडून 100 रुपये शुल्क आकारतात असा आरोप नागपुरातील स्थलांतरित कामगारांच्या एका गटाने केला आहे.