ज्येष्ठ सामाजिक नेते अण्णा हजारे यांनी भाजपला फटकारले आहे. भारतीय जनता पक्षाने दिल्लीतील आम आदमी पक्षाविरोधात नव्हे तर केंद्र सरकारविरोधात आंदोलन करावे. भाजपने आम आदमी पक्षाविरोधात आंदोलन करायला निमंत्रण द्यावे हे दुर्दौवी असल्याचे अण्णा हजारे यांनी म्हटले आहे. भारतीय जनता पक्षाचे अध्यक्ष आदेश गुप्ता यांनी अण्णा हजारे यांना पत्र पाठवले होते. या पक्षात, तुम्ही दिल्लीत येऊन ‘आप’ पक्षाविरूद्ध लोकपाल चळवळीसारखे आंदोलन करून आवाज उठवायला हवा. त्यासाठी आपण आम्हाला सहकार्य करायला हवे अशी भावना व्यक्त केली होती.

राष्ट्रवादी काँग्रेसचे नेते जयंत पाटील, अजित पवार, सुनील तटकरे, धनंजय मुंडे, सचिन अहिर, अशोक धात्रक, सुनील तटकरे, निलेश भोसले, अमित हिंदळेकर, अनिल कदम, किरण गावडे आणि सोहेल सुभेदार या नेत्यांना उद्या शिवडी न्यायालयात हजर राहावे लागणार आहे. दोन वर्षापूर्वी मुंबईत जमावबंदीचं उल्लंघन केल्याप्रकरणी राष्ट्रवादीच्या 11 नेत्यांवर उद्या कोर्टात दोषारोप पत्रं दाखल करण्यात येणार आहे.

मुंबईत 1217 नव्या रुग्णांसह शहरात कोरोना बाधितांची एकूण संख्या 1,42,099 वर पोहोचली असल्याची माहिती मुंबई महानगरपालिकेने दिली आहे. तर 30 नवे रुग्ण दगावल्याचेही सांगण्यात येत आहे.

सुशांत सिंह राजपूत आत्महत्या प्रकरणात मुंबई पोलिसांनी रिया चक्रवर्ती हिला आणि तिच्या भावाला निवासस्थानी नेले.

विधानसभेत भेटलेल्या दोन आमदारांची कोरोना व्हायरस चाचणी पॉझिटीव्ह आल्यानंतर पंजाबचे मुख्यमंत्री सेल्फ क्वारंटाईन झाले आहेत. डॉक्टरांनी दिलेल्या सल्ल्यामुळे ते सात दिवस क्वारंटाईन राहणार आहेत.

झांशी येथील राणी लक्ष्मीबाई केंद्रीय कृषी विद्यापीठाच्या महाविद्यालय व प्रशासन इमारतींचे उद्घाटन उद्या 12.30 वाजता होणार आहे. तत्पूर्वी पंतप्रधानांनी भावना व्यक्त केली आहे की, शैक्षणिक पायाभूत सुविधांमध्ये सुधारणा होईल आणि शेती तसेच पुढील शेतकरी हिताचे संशोधन करण्यात मदत होईल.

मुख्यमंत्री उद्धव ठाकरे यांच्याकडून राज्यातील व्यायाम करणारे नागरिक आणि जिम चालक, मालकांना दिलासादायक संकेत मिळाले आहेत. जिम सुरु करण्याबाबत राज्य सरकार अनुकुल आहे. मात्र, कोरोना व्हायरस संक्रमन वाढू नये. यासाठी आवश्यक मार्गदर्शक तत्वे सादर करावीत अशा सूचना मुख्यमंत्री उद्धव ठाकरे यांनी जिम मालकांना केल्या आहेत. राज्यातील जिम चालक, मालकांनी मुख्यमंत्र्यांची आज भेट घेतली. या वेळी मुख्यमंत्र्यांनी या सूचना आणि संकेत दिले.

शशी थरुर हे काँग्रेस पक्षात काँग्रेस कलाकारासारखे आहेत.ते काँग्रेसमध्ये पाहुण्यासारखे 2009 मध्ये आले आणि पाहुण्या कलाकारासारखेच राहिले. ते जागतीक व्यक्तिमत्व असू शकतात. खूप ज्ञानी असू शकतात. परंतू, त्यांच्या कृतींवरुन ते राजकीय अपरीपक्वच असल्याचे सिद्ध होते, अशी टीका के सुरेश यांनी केली आहे. के सुरेश हे काँग्रेस पक्षाचे लोकसभेतील व्हीप आहेत.

कुस्तीपटू विनेश फोगट यांची COVID19 चाचणी पॉझिटिव्ह आली आहे.

मागील 24 तासात देशात 9,01,338 कोरोना चाचण्या करण्यात आल्या आहेत.

महाराष्ट्रात आज 14,361 नवे कोरोना संक्रमित रुग्ण आढळून आले असून 331 जणांचा मृत्यू झाला आहे.

खासदार एच. वसंतकुमार यांच्या निधनानंतर पंतप्रधान नरेंद्र मोदी यांनी सद्भावना व्यक्त केल्या आहेत.

कन्याकुमारीचे कॉंग्रेसचे खासदार एच. वसंतकुमार यांचे निधन झाले आहे.

अंतिम वर्षाच्या परीक्षांबाबतच्या सुप्रीम कोर्टाच्या निर्णयानंतर मुख्यमंत्र्यांनी वर्षा बंगल्यावर बोलावली तातडीची बैठक बोलावली आहे. बैठकीत उच्च आणि तंत्र शिक्षण मंत्री उदय सामंत, आदित्य ठाकरे, राज्याचे मुख्य सचिव आणि सल्लागार उपस्थित आहेत. 

शनिवारी रायगड, पालघर जिल्ह्यात वेगळ्या ठिकाणी मुसळधार ते अति मुसळधार पाऊस पडण्याची शक्यता आहे. तसेच ठाणे व मुंबई जिल्ह्यातील काही ठिकाणी मुसळधार पाऊस पडण्याची शक्यता ठाणे जिल्हा आपत्ती व्यवस्थापन विभागाने वर्तवली आहे.

धारावीत आज 5 नवे कोरोना संक्रमित रुग्ण आढळून आले आहेत.

जपानचे पंतप्रधान शिंजो आबे यांच्या नेतृत्व आणि वैयक्तिक बांधिलकीमुळे भारत-जपान भागीदारी पूर्वीपेक्षा अधिक मजबूत झाली, अशी प्रतिक्रिया पंतप्रधान नरेंद्र मोदी यांनी दिली आहे.

केरळमध्ये आज 2,543 नवे कोरोना रुग्ण आढळून आले आहेत.

उपमुख्यमंत्री अजित पवार आणि माजी मुख्यमंत्री देवेंद्र फडणवीस यांच्या हस्ते आज पुण्यात कोविड-19 सेंटरचे उद्घाटन झाले.

जनता दल सेक्युलर नेते आणि आमदार एचडी रेवन्ना यांची कोविड-19 चाचणी पॉझिटिव्ह आली आहे.