छत्तीसगडमध्ये आज 140 नवे कोरोनाबाधित रुग्ण तर 2 जणांचा मृत्यू ; 10 जुलै 2020 च्या ताज्या मराठी बातम्या आणि ब्रेकिंग न्यूज LIVE

छत्तीसगडमध्ये आज 140 नवे कोरोनाबाधित रुग्ण आढळून आले असून 2 जणांचा कोरोनामुळे मृत्यू झाला आहे.

अ‍ॅमेझॉनने कर्मचार्‍यांच्या मोबाईलमधून सुरक्षिततेच्या कारणामुळे टिकटॉक हटवले आहे. यासंदर्भात न्यूयॉर्क टाइम्सने माहिती दिली आहे.

पुणे शहरात आज नव्याने 903 कोरोनाबाधित रुग्ण आढळले असून, यात नायडू-महापालिका रुग्णालये 737, खासगी 155 आणि ससूनमधील 11 रुग्णांचा समावेश आहे. आजच्या रुग्णांसह पुणे शहरातील एकूण संख्या आता 26, 077 इतकी झाली आहे.

मुंबईमध्ये आज कोरोना विषाणूचे 1,354 रुग्ण आढळले असून, त्याद्वारे एकूण रुग्णांची संख्या 90,149 झाली आहे. आज एकूण 73 रुग्णांचा मृत्यू झाला आहे व एकूण मृत्यू संख्या 5,203 झाली आहे.

आज जगातील कोरोना विषाणू रुग्णांची संख्या 1 कोटी 20 लाखावर पोहोचली आहे. गेल्या 6 आठवड्यांत संक्रमणांची प्रकरणे दुप्पट झाली आहेत. जागतिक आरोग्य संघटनेचे डायरेक्टर जनरल Tedros Adhanom Ghebreyesus यांनी याबाबत माहिती दिली.

राजधानी दिल्लीमध्ये आज 2089 कोरोना व्हायरस रुग्णांची नोंद झाली आहे. यासह शहरातील एकूण संक्रमितांची संख्या 1,09,140 वर व मृत्यूंची संख्या 3,300 वर पोहोचली आहे.

महाराष्ट्रात आणखी 7862 कोरोनाबाधित रुग्णांची भर तर 226 जणांचा बळी गेला आहे. त्यामुळे राज्यातील COVID19 चा आकडा 2,38,461 वर पोहचला आहे.

गोव्यात कोरोनाचे आणखी 100 रुग्ण आढळून आल्याने आकडा 2920 वर पोहचला आहे.

कर्नाटक येथे आणखी 2313 कोरोनाबाधित रुग्णांची भर तर 57 जणांचा बळी गेला आहे.

पुण्यात लॉकडाऊन जाहीर करण्यात आल्यानंतर मद्यपींची दारुच्या दुकानाबाहेर गर्दी केल्याचे दिसून आले आहे.

कल्याण-डोंबिवली येथे लॉकडाऊन येत्या 19 जुलै पर्यंत कायम राहणार असल्याचा निर्णय महापालिकेकडून जाहीर करण्यात आला आहे.

महाराष्ट्र: नांदेड येथे वाढत्या कोरोनाच्या प्रादुर्भावामुळे येत्या 12-20 जुलै पर्यंत कडक कर्फ्यु लागू करण्याचे आदेश देण्यात आले आहेत.

केरळातली तिरुवनंथपुरम येथे लॉकडाऊन आणखी एका आठवड्याभरासाठी वाढवल्याची मुख्यमंत्री पिनराई विजयन यांनी घोषणा केली आहे.

तमिळनाडू येथे आणखी 3680 कोरोनाबाधित रुग्ण आढळून आल्याने आकडा 1,30,261 वर पोहचला आहे.

पंजाब सरकारकडून 12 वी बोर्डाच्या उर्वरित पेपरची परीक्षा रद्द, विद्यार्थ्यांना Best Performing Subjects नुसार गुण दिले जाणार असल्याचे स्पष्ट करण्यात आले आहे. 

AIIMS रुग्णालयातील 25 वर्षीय ज्युनिअर डॉक्टरची  हॉस्टेलच्या 10 व्या मजल्यावरुन उडी मारुन आत्महत्या केली आहे.

मुंबईतील धारावीत कोरोनाचे आणखी 12 रुग्ण आढळून आल्याने आकडा 2359 वर पोहचला आहे.

पुण्यात येत्या 18-23 जुलै दरम्यान मेडिकल स्टोअर्स, डेअरी, हॉस्पिटल्स आणि अत्यावश्यक सेवासुविधांना फक्त परवानगी असणार असल्याचे महापालिकेने स्पष्ट केले आहे.

हिमाचल प्रदेशात आणखी 2 कोरोनाबाधित रुग्णाांची वाढ झाल्याने आकडा 1143 वर पोहचला आहे.

गेल्या 24 तासात बीएसएफच्या आणखी 72 जवानांना कोरोनाची लागण झाल्याने आकडा 1659 वर पोहचला आहे.