Karnataka Shocker: कर्नाटक पोलिसांनी मंगळवारी बेंगळुरूच्या मदननायकनहल्ली पोलीस स्टेशन परिसरात ८ वर्षांच्या मुलीवर बलात्कार केल्याप्रकरणी घराच्या मालकाला अटक केली. पोलिसांनी दिलेल्या माहितीनुसार, अल्पवयीन मुलगी भाड्याच्या घरात एकटी असताना आरोपीने तिच्यावर बलात्कार केला. तिचे आई-वडील कामावर गेले होते. पीडितेचे कुटुंब महिनाभरापूर्वीच या घरात राहायला आले होते.
पीडितेला नेलमंगला खासगी रुग्णालयात दाखल करण्यात आले असून तिच्यावर उपचार सुरू आहेत. पोलिसांनी आरोपींविरुद्ध मुलांचे लैंगिक गुन्ह्यांपासून संरक्षण (पोक्सो) कायद्यान्वये गुन्हा दाखल केला आहे.