New Rules From 1st February 2024: 1 फेब्रुवारीपासून बदलणार 'हे' 6 नियम; सर्वसामान्यांच्या खिशावर होणार थेट परिणाम
नवीन महिन्यात असे अनेक नियम आहेत ज्यांच्या बदलांचा थेट परिणाम सर्वसामान्यांच्या खिशावर होणार आहे. पुढील महिन्यापासून सार्वभौम गोल्ड बाँड (SGB), NPS, IMPS नवीन अपडेट, FASTag eKYC, SBI होम लोन कॅम्पेन ऑफर आणि इतर नियम बदलणार आहेत.
New Rules From 1st February 2024: जानेवारी महिना काही दिवसांत संपणार असून लवकरच फेब्रुवारी महिन्याला सुरुवात होणार आहे. नवीन महिन्यात असे अनेक नियम आहेत ज्यांच्या बदलांचा थेट परिणाम सर्वसामान्यांच्या खिशावर होणार आहे. पुढील महिन्यापासून सार्वभौम गोल्ड बाँड (SGB), NPS, IMPS नवीन अपडेट, FASTag eKYC, SBI होम लोन कॅम्पेन ऑफर आणि इतर नियम बदलणार आहेत. आम्ही तुम्हाला त्या नियमांची माहिती देणार आहोत.
NPS आंशिक पैसे काढण्यासंदर्भाती नियम -
PFRDA ने 12 जानेवारी 2024 रोजी आंशिक पैसे काढण्यासाठी आणि कायद्याचे पालन करण्याची हमी देण्यासाठी एक मास्टर परिपत्रक जारी केले आहे. याची अंमलबजावणी 1 फेब्रुवारीपासून होणार आहे. NPS खातेधारक त्यांच्या वैयक्तिक पेन्शन खात्यातील योगदानाच्या 25% पर्यंत पैसे काढू शकतात. (नियोक्ता योगदान वगळता). पैसे काढण्याची विनंती प्राप्त झाल्यावर, सरकारी नोडल कार्यालय प्राप्तकर्त्याचे नामनिर्देशन करेल. CRA पडताळणीनंतरच आंशिक पैसे काढण्याच्या विनंत्यांची प्रक्रिया करेल. (हेही वाचा - Union Budget 2024: 6 वा अर्थसंकल्प सादर करून निर्मला सीतारामन घडवणार इतिहास; अनेक विक्रम करणार आपल्या नावावर)
IMPS नियम बदलणार -
आता 1 फेब्रुवारीपासून तुम्ही लाभार्थीचे नाव न जोडता थेट तुमच्या बँक खात्यात 5 लाख रुपयांपर्यंतची रक्कम ट्रान्सफर करू शकता. NPCI ने गेल्या वर्षी 31 ऑक्टोबर रोजी एक परिपत्रक जारी केले होते. आता तुम्ही फक्त लाभार्थीचा फोन नंबर आणि बँक खात्याचे नाव टाकून पैसे पाठवू शकता.
एसबीआय होम लोन -
SBI द्वारे एक विशेष गृहकर्ज मोहीम चालवली जात आहे, ज्या अंतर्गत बँकेचे ग्राहक 65 bps पर्यंतच्या गृहकर्जावर सूट मिळवू शकतात. प्रक्रिया शुल्क आणि गृह कर्जावरील सवलतीची अंतिम तारीख 31 जानेवारी 2024 आहे. ही सूट सर्व गृहकर्जांसाठी वैध आहे. (हेही वाचा - Union Budget 2024: केंद्रीय अर्थसंकल्प सादर होण्यापूर्वी केली जाणारी 'Halwa Ceremony' काय असते?)
पंजाब आणि सिंध स्पेशल एफडी -
पंजाब आणि सिंध बँकेचे ग्राहक 31 जानेवारी 2024 पर्यंत 'धन लक्ष्मी 444 दिवस' FD च्या सुविधेचा लाभ घेऊ शकतात.
फास्टॅग केवायसी -
नॅशनल हायवे अथॉरिटी ऑफ इंडिया (NHAI) ने सांगितले की ज्यांचे KYC पूर्ण झाले नाही अशा FASTags वापरकर्त्यांना ब्लॅक लिस्टमध्ये टाकले जाईल. फास्टॅग केवायसी अपडेट करण्याची अंतिम मुदत 31 जानेवारी आहे.