Money Image used for representational purpose | (Photo Credits: PTI)

7th Pay Commission: सरकारने केंद्रीय कर्मचाऱ्यांच्या महागाई भत्त्यात (Dearness Allowance) काही दिवसांपूर्वी 34 टक्के वाढ केली होती. एप्रिलच्या पगारात कर्मचाऱ्यांचा वाढलेला डीए आणि तीन महिन्यांची थकबाकी दोन्ही येणार आहेत. परंतु, जुलै 2022 मध्ये डीएमध्ये पुन्हा सुधारणा केली जाणार आहे. वर्षाच्या पहिल्या दोन महिन्यांमध्ये, जानेवारी-फेब्रुवारी 2022 मध्ये, महागाई भत्ता (पुढील DA वाढ)चा कल नकारात्मक होता. म्हणजे AICPI निर्देशांकाच्या आकडेवारीत घट झाली. आता मार्च महिन्याच्या आकडेवारीची प्रतीक्षा आहे. हा आकडा 30 एप्रिल रोजी समोर येईल. तथापि, सध्याच्या ट्रेंडवरून महागाई भत्ता (DA) वाढण्याची फारशी आशा नाही. पुढील महागाई भत्ता दोन महिन्यांनंतर जुलैमध्ये जाहीर केला जाणार आहे.

7व्या वेतन आयोगानुसार, केंद्र सरकारच्या कर्मचाऱ्यांच्या महागाई भत्त्यात वर्षातून दोनदा सुधारणा केली जाते. पहिल्यांदा जानेवारीत आणि दुसरी सहा महिन्यांनंतर जुलैमध्ये. 2022 चा पहिला महागाई भत्ता मार्चमध्ये जाहीर करण्यात आला आहे. सरकारने तो 31 वरून 34 टक्के केली. ग्राहकांच्या महागाईतही सातत्याने वाढ होत आहे. परंतु, औद्योगिक कामगारांच्या पातळीवर हा आकडा सध्याच्या दरापेक्षा चांगला आहे. अशा परिस्थितीत आता आलेल्या आकड्यांच्या आधारे पुढील महागाई भत्त्यात वाढ होण्याची शक्यता कमी आहे. अजून 3 महिन्यांचा आकडा बाकी आहे. (हेही वाचा - 7th Pay Commission: केंद्रीय कर्मचाऱ्यांसाठी खूशखबर! 'या' 4 महागाई भत्त्यात होणार वाढ; वाचा सविस्तर)

AICPI संख्यांमध्ये किती घट?

गेल्या वर्षी डिसेंबर 2021 मध्ये AICPI 125.4 वर होता. एका महिन्यानंतर, जानेवारी 2022 मध्ये, तो 0.3 अंकांनी घसरून 125.1 वर आला. फेब्रुवारीमध्ये त्यात आणखी घसरण होऊन तो 125 वर आला. या घसरणीमुळे जुलैमध्ये महागाई भत्त्यात क्वचितच वाढ होण्याची शक्यता आहे. जर मार्चचा आकडा याच्या खाली गेला तर डीए वाढण्याची शक्यता खूपच कमी आहे. DA 124 च्या खाली गेल्यास स्थिर ठेवता येईल.

सध्या जुलै 2022 मध्ये 7व्या वेतन आयोगात (7वा वेतन आयोग) DA वाढण्याची आशा संपलेली नाही. मार्च ते जून या कालावधीतील आकडेवारीचाही निर्देशांकावर परिणाम होईल. मार्च ते जून या कालावधीत AICPI निर्देशांकात सुधारणा झाल्यास केंद्रीय कर्मचाऱ्यांना DA वर पुन्हा आनंदाची बातमी मिळू शकते. पण जर निर्देशांक खाली गेला तर डीएमध्ये वाढ होण्याची फारशी आशा नाही.