5G Services Launched: भारतात 5G सेवा सुरु झाल्यावर, इंटरनेट किती वेगवान असेल?

5G सेवा (Internet 5G Services) सुरु झाल्याने भारतात आज इंटरनेट (Internet) क्रांती झाली. दावा केला जात आहे की, ही सेवा (5G Services) पूर्ण क्षमतेने सुरु झाल्यानंतर इंटरनेट अधिक वेगवान होईल. पंतप्रधान नरेंद्र मोदी यांच्या हस्ते ही सेवा आजपासून सुरु झाली. सांगितले जात आहे की, नवीन तंत्रज्ञान अखंड कव्हरेज, उच्च डेटा दर, कमी विलंब आणि अत्यंत विश्वासार्ह संप्रेषण प्रदान करेल. यामुळे ऊर्जा, स्पेक्ट्रम आणि नेटवर्क कार्यक्षमता वाढेल. इंडियन मोबाइल काँग्रेस (IMC) चे उद्घाटन करताना निवडक शहरांमध्ये 5G सेवा ही सेवा सुरु झाली. इंटरनेट 5G सेवेबद्दल बोलताना सांगितले जात आहे की, अल्ट्रा-हाय-स्पीड इंटरनेट सेवांना समर्थन देण्यास सक्षम, पाचवी पिढी किंवा 5G भारतीय समाजासाठी परिवर्तनाची शक्ती म्हणून काम करत नवीन आर्थिक संधी आणि सामाजिक फायदे मिळवून देईल.

5G सेवा 4G पेक्षा अनेक पटीने वेगवान गती देते. लॅग-फ्री कनेक्टिव्हिटीला समर्थन देते. कोट्यवधी कनेक्टेड डिव्हाइसेसना रिअल टाइममध्ये डेटा शेअर करण्यास सक्षम करते. 4G च्या 100 Mbps च्या तुलनेत 5G वर इंटरनेटचा वेग 10 Gbps पर्यंत पोहोचू शकतो. हे तुमच्या 5G कव्हरेजवर अवलंबून असेल आणि डाउनलोडची गती 1Gbps ते 10Gbps पर्यंत असू शकते. (हेही वाचा, 5G internet Launched: पंतप्रधान नरेंद्र मोदी यांच्या हस्ते 5G इंटरनेट सेवेस शुभारंभ; पहिल्या टप्प्यात मुंबई, पुण्यासह देशातील 13 शहरांचा समावेश)

लेटन्सी, डेटाचे पॅकेट पाठवण्‍यासाठी आणि प्रतिसाद मिळवण्‍यासाठी उपकरणाला लागणारा वेळ, 4G अंतर्गत 10-100 ms (मिलीसेकंद) दरम्यान आहे, तर 5G वर, ते 1 ms पेक्षा कमी असणे अपेक्षित आहे. नुकत्याच झालेल्या दूरसंचार स्पेक्ट्रमच्या भारतातील सर्वात मोठ्या लिलावात विक्रमी 1.5 लाख कोटी रुपयांची बोली प्राप्त झाली होती. मुकेश अंबानींच्या जिओने 88,078 कोटी रुपयांच्या बोलीसह विकल्या गेलेल्या सर्व एअरवेव्हपैकी जवळपास निम्म्या बोलीचा समावेश केला होता.

दूरसंचार उद्योजक सुनील भारती मित्तल यांच्या भारती एअरटेलने 43,084 कोटी रुपयांची यशस्वी बोली लावली, तर व्होडाफोन आयडिया लिमिटेडने 18,799 कोटी रुपयांना स्पेक्ट्रम खरेदी केले.