Ghaziabad News: यूपीतील गाझियाबादच्या मंदिरातील धर्मशाळेत निकाह, हिंदू संघटनेकडून गोंधळ

Ghaziabad News: उत्तर प्रदेशातील गाझियाबादमधील मोदीनगर भागातील गोविंदपुरी भागातील एका मंदिराच्या धर्मशाळेत मुस्लिम जोडप्याचा विवाह सोहळा सुरू होता. कारण मुस्लिम कुटुंबाने लग्नासाठी मंदिराची धर्मशाळा भाड्याने घेतली होती. हिंदू संघटनांना याबद्दल कळले असता  त्यांनी तेथे येऊन धमकावले. यानंतर तेथे गदारोळ झाला. दरम्यान, याबाबत माहिती मिळताच पोलीसही तेथे आले आणि त्यांनी धमकावले. धर्मशाळेतील खोली भाड्याने दिल्याप्रकरणी गुन्हा दाखल करण्यात आला आहे. मोदीनगरचे सहाय्यक पोलिस आयुक्त (एसीपी) ज्ञान प्रकाश राय यांनी लग्नाबाबत सांगितले की, हिंदू युवा वाहिनीचे नीरज शर्मा यांनी याप्रकरणी मोदीनगर पोलिस ठाण्यात तक्रार दाखल केली.

येथे पाहा व्हिडीओ: 

गाजियाबाद, यूपी के ठेकेदार मनोज सक्सेना ने निकाह के लिए मंदिर की धर्मशाला/कमरा एक मुस्लिम परिवार को किराए पर दे दिया। इससे कुछ लोगों की भावनाएं आहत हो गईं। अब FIR हो गई है, ठेकेदार पुलिस कस्टडी में है। pic.twitter.com/baVl44hzhr

— Sachin Gupta (@SachinGuptaUP) November 19, 2024

तक्रारीत त्यांनी म्हटले आहे की, ट्रस्टने गोविंदपुरी येथील शिवशक्ती धाम मंदिराचे मनोज सक्सेना  यांना कार्यालय सांभाळायचे काम दिले आहे, जो तेथे धार्मिक कार्यक्रम आणि लग्न समारंभ आयोजित करण्यासाठी भाड्याने देतो. याद्वारे एका मुस्लिम कुटुंबाला लग्नासाठी मंदिराच्या आवारात एक खोली आणि धर्मशाळा देण्यात आली, जिथे हा विवाह झाला. याप्रकरणी तक्रार दाखल केल्यानंतर ठेकेदाराला ताब्यात घेण्यात आले आहे.