Fake Court Exposed in Gujarat: गुजरातच्या गांधीनगरमध्ये बनावट न्यायालयाचा पर्दाफाश; पाच वर्षात न्यायाधीशाकडून 100 एकर जमीन हडप

Fake Court Exposed in Gujarat: आतापर्यंत तुम्ही बनावट आयएएस, पोलिस अधिकारी, डॉक्टर आणि पीएमओ कार्यालयांबद्दल ऐकले असेल. पण आता गुजरातमध्ये एका बनावट कोर्टाचा (Gujarat Fake Court) पर्दाफाश झाला आहे. आश्चर्याची बाब म्हणजे गेली पाच वर्षे हे न्यायालय सुरू होते. इतकचं काय, या बनावट न्यायालयाने दिलेले आदेश डीएम कार्यालयात पोहोचले देखील होते. काही आदेश डीएम कार्यालयातूनही पारित करण्यात आले. बनावट न्यायाधीश, बनावट कोर्ट रूम, बनावट वकील, सर्व काही या कोर्टात होते. याप्रकरणी पोलिसांनी एका आरोपीलाही अटक केली आहे. (Dhanbad Shocker: सुनेच्या गैरवर्तणुकीचा राग आल्याने सासऱ्याने केली हत्या, मृतदेहाचे अनेक तुकडेकरून नदीत फेकले)

स्वतःच्या नावावर 100 एकर जमीन

पोलिसांनी दिलेल्या माहितीनुसार, मॉरिस सॅम्युअल असे अटक करण्यात आलेल्या तरुणाचे नाव आहे. तो व्यवसायाने वकील आहे. ज्यांच्या जमिनीसंबंधीचे खटले दिवाणी न्यायालयात प्रलंबित आहेत. मॉरिस सॅम्युअलवर आपल्या ग्राहकांना न्यायालयात न जाता प्रकरण सोडवण्याचे आमिष दाखविल्याचा आरोप आहे. त्यासाठी तो ठराविक रक्कमही घेत होता. त्याच्यावर 11 हून अधिक खटले आपल्या बाजूने मंजूर केल्याचा आरोप आहे. जवळपास 100 एकर सरकारी जमीनही त्यांनी स्वत:च्या नावावर केल्याचा आरोप आहे.

पोलीस ठाण्यात तक्रार दाखल झाल्यानंतर आणि अहमदाबाद सिटी दिवाणी न्यायालयात हे प्रकरण सुनावणीसाठी आणल्यानंतर ही बाब उघडकीस आली आहे. मॉरिस सॅम्युअल ख्रिश्चन म्हणून ओळखले जाणारे आरोपी 2019 पासून गांधीनगर भागातील जमिनीच्या व्यवहारात 'निवाडे' देत होते. अहमदाबादमध्ये बनावट लवाद केंद्र स्थापन करून सरकारी जमिनीवर आदेश काढल्याचे तक्रारीत म्हटले आहे. ख्रिश्चनने सर्व निर्णय आपल्या ग्राहकांच्या बाजूने दिल्याचे तक्रारीत म्हटले आहे.

कारंज पोलिस ठाण्यात तक्रार दाखल केल्यानंतर पोलिसांनी मॉरिस सॅम्युअलला अटक केली. आरोपीविरुद्ध भारतीय न्याय संहितेच्या (बीएनएस) सुमारे अर्धा डझन कलमांतर्गत गुन्हा दाखल करण्यात आला असून त्याला अटक करण्यात आली आहे.