HSC Result | File Image

महाराष्ट्र राज्य माध्यमिक आणि उच्च माध्यमिक शिक्षण मंडळाद्वारे (MSBSHSE) घेण्यात आलेल्या इयत्ता १२ वीच्या (HSC) परीक्षेचा निकाल लवकरच जाहीर होण्याची शक्यता आहे. सूत्रांनी दिलेल्या माहितीनुसार, उत्तरपत्रिकांच्या मूल्यमापनाचे काम पूर्ण झाले असून, सध्या निकाल संगणकीकृत करण्याची प्रक्रिया सुरू आहे. या वर्षी सुमारे १४ लाख विद्यार्थ्यांनी परीक्षा दिली असून, मे महिन्याच्या मध्यात (१३ ते १५ मे दरम्यान) अधिकृत पोर्टलवर निकाल प्रसिद्ध केला जाऊ शकतो.

अधिकृत वेबसाईटवर निकाल पाहता येणार

महाराष्ट्र बोर्डाचा निकाल अधिकृत वेबसाइट mahresult.nic.in वर उपलब्ध करून दिला जाईल. याशिवाय विद्यार्थी hscresult.mkcl.org आणि mahahsscboard.in या संकेतस्थळांवरही आपले गुण पाहू शकतील. निकाल जाहीर झाल्यानंतर काही वेळातच वेबसाईटवर 'रिझल्ट विंडो' सक्रिय केली जाईल.

निकाल कसा तपासावा?

विद्यार्थ्यांना आपला निकाल पाहण्यासाठी खालील सोप्या स्टेप्स फॉलो कराव्या लागतील:

प्रथम बोर्डाच्या अधिकृत वेबसाईट mahresult.nic.in ला भेट द्या.

होमपेजवर 'HSC Examination March - 2026 Result' या लिंकवर क्लिक करा.

तुमचा 'रोल नंबर' (Seat Number) आणि 'आईचे नाव' (Mother's Name) अचूक भरा.

'View Result' बटणावर क्लिक करताच तुमचा निकाल स्क्रीनवर दिसेल.

भविष्यातील उपयोगासाठी निकालाची प्रिंट किंवा स्क्रीनशॉट काढून ठेवा.

निकाल जाहीर झाल्यानंतर वेबसाईटवर येणारा ताण लक्षात घेता, बोर्डाने पर्यायी व्यवस्थाही केली आहे. विद्यार्थी DigiLocker ॲपवरून आपली डिजिटल मार्कशीट डाउनलोड करू शकतात. तसेच, ठराविक क्रमांकावर एसएमएस (SMS) पाठवूनही निकाल मिळवण्याची सोय उपलब्ध करून दिली जाणार आहे.