JEE Main 2021 Admit Card February Session: यंदा जेईई मेन परीक्षा फेब्रुवारी सत्रात देणार्‍यांची अ‍ॅडमीट कार्ड्स जारी; jeemain.nta.nic.in वरून करा डाऊनलोड!

नॅशनल टेस्टिंग एजंसी (NTA) कडून यंदाच्या जॉईंट एंटरन्स एक्झामिनेशन अर्थात जेईई मेन्स 2021 फेब्रुवारी सेशनच्या परीक्षांसाठी अ‍ॅडमिट कार्ड्स (JEE Main 2021 Admit Card February Session) जारी करण्यात आली आहे. विद्यार्थ्यांना त्यांच्या परीक्षेची ही अ‍ॅडमीट कार्ड्स अधिकृत संकेतस्थळावरून डाऊनलोड करता येणार आहेत. त्यामुळे यंदा जे जेईई मेन्स परीक्षा देणार आहेत त्यांना jeemain.nta.nic.in वरून अ‍ॅडमिड कार्ड्स ऑनलाईन डाऊनलोड करता येतील.

एनटीए कडून यंदा जेईई मेन 2021 परीक्षा 4 टप्प्यांमध्ये आयोजित करण्यात आली आहे. यातील पहिला टप्पा 23-26 फेब्रुवारी 2021, दुसरा टप्पा 15 ते 18 मार्च 2021, तिसरा टप्पा 27 ते 30 एप्रिल 2021 आणि चौथा टप्पा 24 ते 28 मे 2021 असा आहे. यंदा जेईई परीक्षा हिंदी, गुजराती, इंग्लिश प्रमाणेच मराठी, मल्याळम, तेलगू, कन्नड, बंगाली, आसामी,ओडिया पंजाबी, उर्दू मध्येही देता येणार आहे.

कसं डाऊनलोड कराल जेईई मेन 2021 चं अ‍ॅडमीट कार्ड

• jeemain.nta.nic.in या जेईई मेन च्या अधिकृत संकेतस्थळाला भेट द्या.
• होम पेज वर जेईई मेन 2021 परीक्षेसाठी अ‍ॅडमीट कार्ड डाऊन लोड करण्यासाठी एक लिंक अ‍ॅक्टिव्हेट केलेली दिसेल. त्यावर क्लिक करा.
• त्यानंतर तुमचे लॉगिन डिटेल्स टाकून लॉगिंग करा.
• तुमच्या स्क्रीनवर अ‍ॅडमीट कार्ड दिसेल. हे तुम्ही डाऊनलोड करून ठेवू शकता.यंदा एनटीए कडून 3 लिंक्स अ‍ॅक्टिव्हेट करण्यात आल्या आहेत. जर सर्व्हर वर लोड असेल तर तुम्हांला अजून 2 लिंक्सचा पर्याय आहे त्यावर क्लिक करून तुम्ही अ‍ॅडमीटकार्ड डाऊनलोड करू शकाल. जेईई मेन च्या अ‍ॅडमीट कार्ड महत्त्वाची माहिती असते. त्यामध्ये परीक्षा केंद्राचं नाव व पत्ता असतो. परीक्षेची तारीख आणि वेळ असते. जर तुमच्या अ‍ॅडमीटबद्दल तुम्हांला काही शंका असेल तर तुम्ही 01206895200 या क्रमांकावर एनटीए सोबत बोलू शकता किंवा jeemain@nta.ac.in या इमेल आयडीवर संपर्क साधू शकता.

(The above story first appeared on LatestLY on Feb 12, 2021 11:50 AM IST. For more news and updates on politics, world, sports, entertainment and lifestyle, log on to our website latestly.com).