Indian Coast Guard Recruitment 2023: भारतीय तटरक्षक भरती, नाविक, यांत्रिकांसह अनेक जागा; जाणून घ्या कोठे आणि कसा कराल अर्ज

Indian Coast Guard Recruitment 2023: सरकारी नोकरी करताना तुम्हाला जर भारतीय तटरक्षक दलात ( Indian Coast Guard- ICG) काम करायचे असेल तर तुमच्यासाठी चांगली संधी आहे. भारतीय तटरक्षक दल (ICG) ने 01/2024 च्या बॅचसाठी विविद पदांसाठी भरती काढली आहे. खास करुन नाविक आणि यांत्रिक पदांसह इतरही विभागांसाठी जागा आहेत. या जागांसाठी इंडियन कोस्ट गार्डने भारतीय पुरुष उमेदवारांकडून ऑनलाईन अर्ज मागवले आहेत. खास करुन ही संधी नाविक (जनरल ड्युटी आणि डोमेस्टिक शाखा) आणि यांत्रिक (मेकॅनिकल, इलेक्ट्रिकल आणि इलेक्ट्रॉनिक्स) शाखांतील पदवीधर तरुणांसाठी आहे. भारतीय तटरक्षक दलासाठी ऑनलाइन नोंदणी प्रक्रिया 08 सप्टेंबर 2023 पासून सुरू झाली आहे. याबाबतची अधिक माहिती जाणून घेण्यासाठी खालील माहिती आपल्यासाठी फायदेशीर ठरु शकते.

भारतीय तटरक्षक दलाने बॅच 01/2024 साठी नाविक आणि यांत्रिक या पदांसाठी अधिकृत अधिसूचना जारी केली आहे. त्यानुसार अर्ज दाखल करण्यासठी उमेदवारांना विविध पदांसाठी 08 ते 22 सप्टेंबर 2023 या कालावधीत अर्ज करता येतील. हे अर्ज ऑनलाईन पद्धतीने करायचे आहेत. त्यासाठी आपण www.indiancoastguard.gov.in चा आधार घेऊ शकता. प्रसिद्ध झालेल्या अधीसूचनेनुसार भारतीय तटरक्षक दलाने एकूण 250 पदे जारी केली आहेत. नाविक आणि यांत्रिक (मेकॅनिकल, इलेक्ट्रिकल आणि इलेक्ट्रॉनिक्स) पदांसाठी भरती मोहिमेसाठी केवळ पुरुष उमेदवार अर्ज करण्यास पात्र आहेत.

नाविक (Navik) पदासाठी साठी अर्ज करण्यासाठी, उमेदवारांनी शालेय शिक्षण मंडळ (COBSE) द्वारे मान्यताप्राप्त शिक्षण मंडळातून किमान इयत्ता 10वी उत्तीर्ण केलेली असावी. तसेच नाविक (सामान्य कर्तव्य) पदासाठी अर्ज करण्यासाठी उमेदवारांनी गणित आणि भौतिकशास्त्रासह 10 अधिक 2 उत्तीर्ण केलेले असावे.

त्याचप्रमाणे, यांत्रिक पदासाठी, उमेदवारांनी शालेय शिक्षण मंडळ (COBSE) द्वारे मान्यताप्राप्त शिक्षण मंडळातून इयत्ता 10 वी उत्तीर्ण केलेली असावी आणि इलेक्ट्रिकल, मेकॅनिकल, इलेक्ट्रॉनिक्स, टेलिकम्युनिकेशन (रेडिओ/पॉवर) अभियांत्रिकीचा डिप्लोमा असावा. 3 ते 4 वर्षे. डिप्लोमाला ऑल इंडिया कौन्सिल ऑफ टेक्निकल एज्युकेशन (AICTE) कडून मान्यता मिळालेली असणे आवश्यक आहे.

पात्रता निकष, पगार आणि भत्ते,

पदाचे नाव- नाविक (सामान्य कर्तव्य आणि घरगुती शाखा)

यांत्रिक- (यांत्रिक, इलेक्ट्रिकल आणि इलेक्ट्रॉनिक्स)

बॅच- ०१/२०२४

पद श्रेणी- संरक्षण विभाग

परीक्षा- स्तर राष्ट्रीय

अर्जाची पद्धत- ऑनलाइन मोड

ऑनलाइन नोंदणी- 08 ते 22 सप्टेंबर 2023

अर्ज कोण करु शकते- पुरुष भारतीय नागरिक

प्रशिक्षण- एप्रिल 2024 अखेर ते मे 2024 च्या सुरुवातीचे काही काळ

पगार नाविक- रु. 21,700/- (पगार पातळी-3)

यांत्रिक- रु. 29,200/- (पगार पातळी-5)

अधिकृत वेबसाइट- www.indiancoastguard.gov.in

अधिकृत अधिसूचनेनुसार, वर नमूद केलेल्या पदांसाठी अर्ज करणाऱ्या उमेदवारांचे किमान वय १८ वर्षे आणि कमाल वय 22 वर्षे असावे. ICG भरती 2023 साठी अर्ज करण्यासाठी, उमेदवारांना परीक्षा शुल्क म्हणून 30 रुपये भरावे लागतील. अनुसूचित जाती आणि अनुसूचित जमातीच्या उमेदवारांना अर्ज शुल्क भरण्यापासून सूट देण्यात आली आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)