(Photo Credit - Twitter)

सध्या उत्तराखंडच्या (Uttarakhand) अनेक भागात पाऊस आणि बर्फवृष्टी (Rain Or Snowfall)  होत आहे. त्यामुळे लोकांच्या अडचणी वाढल्या आहेत. दोन दिवसांपासून सुरू असलेल्या पावसामुळे रस्ते बंद आहेत. रस्ते बंद असल्याने प्रवासी अडकून पडले असून त्यांना बाहेर पडता येत नाही. शनिवारी सकाळपासून पडणाऱ्या पावसामुळे उत्तराखंडच्या उत्तरकाशीचीही अवस्था बिकट आहे. सततच्या बर्फवृष्टीमुळे पर्यटक प्रचंड नाराज झाले आहेत. बर्फवृष्टीमुळे गंगोत्री महामार्ग, गंगनानी, सुक्की टॉप ते गंगोत्रीपर्यंतचे रस्ते ठिकठिकाणी बंद करण्यात आले आहेत. हिमवृष्टीमुळे यमुनोत्री महामार्ग, हनुमान चाटी आणि राडी टॉप हे मार्गही बंद करण्यात आले आहेत. परिस्थिती इतकी बिकट झाली आहे की आजूबाजूच्या गावातील पादचारी मार्गही बंद झाले आहेत. शनिवारी सकाळपासून या ठिकाणी पाऊस आणि बर्फवृष्टी सुरू आहे. त्यामुळे एक हजार फूट उंचीवर असलेली गावे पूर्णपणे बर्फाने झाकली गेली आहेत.

Tweet

बर्फवृष्टीमुळे रस्ते बंद

उत्तराखंडमध्ये बर्फवृष्टीमुळे अनेक गावांतील रस्ते बंद झाले आहेत. त्यामुळे नागरिकांना ये-जा करताना अडचणी येत आहेत. जनजीवन पूर्णपणे विस्कळीत झाले आहे. शनिवारी उत्तरकाशी जिल्ह्यातील गंगोत्री धामसह हरकिदून खोऱ्यात जोरदार बर्फवृष्टी झाली. यादरम्यान यमुना खोऱ्यातील हर्षिल, दयारा, बुग्याल, डोडीताल आणि जानकी चाटी, हरकिदून खोऱ्यात सुमारे दोन फूट उंच बर्फ गोठला आहे. (हे ही वाचा Snow Storm मध्येही भारतीय जवान Jammu and Kashmir मध्ये बॉर्डर वर तैनात; PRO Udhampur चा व्हिडिओ व्हायरल)

हिमवर्षावानंतर तापमानात घट

उत्तराखंडमध्ये शुक्रवारी रात्रीपासून वातावरणात बदल झाला आहे. शनिवारी सकाळपासून मुसळधार पाऊस सुरू झाला. नैनिताल जिल्ह्यात शनिवारी रात्री झालेल्या पावसाने मुक्तेश्वरमध्ये मोसमातील पहिला हिमवर्षाव झाला. मुक्तेश्वरमध्ये आज सकाळी सुमारे अर्धा तास बर्फवृष्टी झाली. बर्फवृष्टीमुळे तापमानात लक्षणीय घट नोंदवली जात आहे. मुक्तेश्वर येथे सकाळी किमान तापमान 0.5 अंश सेल्सिअस नोंदवले गेले. या ठिकाणी पर्यटक बर्फवृष्टीची वाट पाहत असले तरी. मात्र कोरोना संसर्गामुळे पर्यटन उद्योगाला फारसा फायदा मिळण्याची अपेक्षा नाही.