Delhi Shocker: दिल्लीत डॉक्टरची गोळ्या झाडून हत्या; वाढत्या गुन्हेगारीसाठी 'आप'ने केंद्र आणि एलजीला धरले जबाबदार

Delhi Shocker: दिल्लीतील जैतपूरमधील कालिंदी कुंज भागातील एका खासगी नर्सिंग होममध्ये गुरुवारी एका डॉक्टरची गोळ्या झाडून हत्या करण्यात आली. डॉक्टर जावेद अख्तर (५५) असे मृताचे नाव आहे. ते नीमा हॉस्पिटलमध्ये युनानी डॉक्टर होते. पोलिसांनी सांगितले की, घटनेची माहिती मिळताच जिल्हा गुन्हे शाखेचे पथक आणि एफएसएल रोहिणीचे पथक घटनास्थळी पोहोचले. हॉस्पिटलच्या कर्मचाऱ्यांनी पोलिसांना सांगितले की, दोन अल्पवयीन मुले मेडिकलमध्ये आले आणि त्यांनी सकाळी 1 वाजता ड्रेसिंग बदलण्याची मागणी केली. या दोघांपैकी एकाच्या पायाला झालेल्या दुखापतीवर एक दिवसापूर्वी उपचार करण्यात आले होते.

हे टार्गेट मर्डरचे प्रकरण असू शकते, असे पोलिसांनी सांगितले. संशयितांची ओळख पटविण्यासाठी सीसीटीव्ही फुटेज तपासले जात आहे. आरोपींना पकडण्यासाठी मोहीम सुरू करण्यात आली आहे. दरम्यान, आम आदमी पक्षाचे (आप) नेते सौरभ भारद्वाज यांनी केंद्र सरकार आणि नायब राज्यपाल व्हीके सक्सेना यांच्यावर निशाणा साधत म्हटले आहे की, "दिल्ली गुन्हेगारीची राजधानी बनली आहे. आरोपी सहज अशा हत्या करत आहेत. खंडणी वसुली, गोळीबार आणि हत्या रोज घडत आहेत. केंद्र सरकार आणि लेफ्टनंट गव्हर्नर दिल्लीच्या मूलभूत कामात अपयशी ठरले आहेत.