Bangalore Suicide Case: बेंगळुरूमध्ये कोरोनामुळे पती गमावला, नैराश्यातून दोन मुलांसह पत्नीची आत्महत्या

बेंगळुरूच्या (Bangalore) बाहेरील भागात पतीचा कोरोनामुळे (Corona Virus) मृत्यू झाल्यानंतर पत्नीने तिच्या 15 वर्षांच्या मुलासह आणि 6 वर्षांच्या मुलीसह आत्महत्या (Suicide) केली आहे. शनिवारी सूत्रांनी ही माहिती दिली आहे. वसंता, त्यांचा मुलगा यशवंत आणि त्यांची मुलगी निश्विका अशी मृतांची नावे आहेत. गेल्या वर्षी वसंताने तिचा पती प्रसन्न कुमार गमावला होता. जो बीएमटीसी (BMTC) बस चालक आणि कंडक्टर होता. ही घटना शुक्रवारी संध्याकाळी उघडकीस आली. जेव्हा वसंताचा भाऊ फोन न उचलल्यानंतर घरी आला. पोलिसांनी वसंताने लिहिलेली एक सुसाईड नोट जप्त केली आहे. ज्यात तिने कोविड 19 मुळे पती प्रसन्न कुमारच्या मृत्यूनंतर तिचे आयुष्य कसे बदलले याचे वर्णन केले आहे.

सुसाईड नोटमध्ये तिने नमूद केले आहे की, पतीच्या मृत्यूनंतर ती भयभीत, चिंताग्रस्त आणि दिशाहीन होती. पत्रात म्हटले आहे की, माझ्या पतीला गमावल्यानंतर, मी दररोज मृत व्यक्तीप्रमाणे जगत आहे. जगात बघायला कोणी नाही. मला या कठोर सत्याबद्दल कळले आणि आम्ही जीवन संपवत आहोत. वसंतांनी सुसाईड नोटमध्ये लिहिले, माझ्या पतीला विसरून आयुष्यात पुढे जाणे मला शक्य नाही. त्यांच्याशिवाय जरी मी जिवंत आहे, परंतु केवळ मांस आणि रक्तात. मी माझ्या परीने प्रयत्न केले. पण आमच्यासोबत कोण उभे राहील या प्रश्नांची उत्तरे शोधण्यात मी सक्षम नाही. हेही वाचा Jharkhand Shocking: 6 वर्षाच्या चिमुकल्यासह एकाच कुटुंबातील चौघांची निघृण हत्या, झारखंडच्या चाईबासा येथील घटना

माझ्या मुलांची कोणी काळजी करत नाही. त्यांनी अजिबात आपुलकी दाखवली नाही. आम्हाला या वाईट जगात राहायचे नाही. माझ्यावर कर्ज आणि जबाबदारी होती. आमच्या मालकीचे घर विकून कर्जाची परतफेड करता आली असती. आयुष्यात फक्त पैसा महत्त्वाचा नाही. नातेवाईक बोलत आहेत की तिच्याशिवाय जीवन जगण्यात काहीच अडचण नाही. पण माझ्या पतीचा मृत्यू झाला. जर कोणी आम्हाला थोडे प्रेम आणि आपुलकी दिली असती तर आम्ही हे टोकाचे पाऊल उचलले नसते.

पोलिसांनी सांगितले की, वसंता डिप्रेशनमध्ये होती. तिच्या भावाने आईला तिच्यासोबत राहायला पाठवले होते. पोलिसांनी असेही सांगितले की, वसंताने आपल्या मुलांना आश्वासन दिले होते की ती त्यांना त्यांच्या वडिलांकडे घेऊन जाईल आणि सुसाईड नोटमध्ये याचा उल्लेख केला आहे. वसंता आणि मुलगी निश्विका यांचे मृतदेह एकत्र लटकलेले आढळले आणि त्यांच्या मुलाचा मृतदेह स्वतंत्रपणे लटकलेला आढळला.  मात्र पुढील तपास सुरू आहे.

(The above story first appeared on LatestLY on Oct 02, 2021 06:08 PM IST. For more news and updates on politics, world, sports, entertainment and lifestyle, log on to our website latestly.com).