Lucknow: फसवणूक आणि खंडणीप्रकरणी काँग्रेस नेत्याला अटक, लखनौ पोलिसांची कारवाई

लखनौ पोलिसांनी (Lucknow Police) शनिवारी संध्याकाळी अमेठीच्या (Amethi) जगदीशपूर (Jagdishpur) येथील स्थानिक काँग्रेस नेते मोहम्मद रफिक (Congress leader Mohammad Rafiq) उर्फ ​​अल्लू मिया यांना अटक केली आहे. यावर्षी मे महिन्यात बिल्डरने दाखल केलेल्या फसवणूक, बनावट आणि खंडणीची मागणी केल्याप्रकरणी अटक करण्यात आले आहे. असे लखनौचे अतिरिक्त पोलीस उपायुक्त, पश्चिम, चिरंजीव नाथ सिन्हा यांनी रविवारी सांगितले. ते म्हणाले की, लखनौ आणि अमेठीमध्ये काँग्रेस नेत्यावर जमीन फसवणूक आणि बनावटगिरीशी संबंधित अनेक गुन्हे दाखल आहेत.

सिन्हा म्हणाले की, कैसरबाग, लखनौ येथील वैभव श्रीवास्तव यांनी 8 मे 2021 रोजी अल्लू मिया, त्यांची पत्नी मेहरुनिशा आणि मुलगा मोहम्मद आदिल रशीद यांच्या विरोधात तक्रार केली होती. त्यांनी दिल्लीच्या गोमती नगर विस्ताराच्या खरगापूर परिसरातील जमिनीशी संबंधित फसवणूक आणि बनावटगिरीबद्दल एफआयआर दाखल केला होता. हेही वाचा शरद पवार यांचा मोठा विजय, मुंबई मराठी ग्रंथ संग्रहालयाच्या अध्यक्षपदी होणार विराजमान

ते म्हणाले श्रीवास्तव यांनी सांगितले की, तो त्याच्या साथीदारासह 2019 मध्ये खरगापूरमध्ये 5100 चौरस फूट जमिनीवर निवासी इमारत बांधत होता. जेव्हा अल्लू मियाचा मुलगा आदिल तेथे पोहोचला आणि त्याने जमिनीच्या मालकीचा दावा करण्यास सुरुवात केली. ते म्हणाले की अल्लू मिया यांनी दावा केला की त्यांच्या नावावर जमिनीची 1990 मध्ये रजिस्ट्री होती आणि त्यानंतर कंस्ट्रक्शन प्रकल्पात व्यत्यय आला.

एडीसीपीने असेही म्हटले आहे की, तक्रारदाराने आरोप केला की अल्लू मिया यांनी त्याच्या राजकीय प्रभावाबद्दल बढाई मारून त्याला गंभीर परिणामांची धमकी दिली. त्यानंतर वाटाघाटी दरम्यान त्याने समस्या सोडवण्यासाठी दोन फ्लॅटची मागणी केली.  या प्रकरणाच्या तपास अधिकाऱ्याने त्याच्या विरोधात पुरावे गोळा केले आणि काही आठवड्यांपूर्वी स्थानिक न्यायालयाकडून अजामीनपात्र वॉरंट मिळवले.  शनिवारी लखनौमध्ये एका राजकीय कार्यक्रमाला उपस्थित राहण्यासाठी आलेल्या काँग्रेस नेत्याला सुरुवातीला अटक करण्यात आली आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)