Class 11 Girl Delivers In College Toilet: कर्नाटकात 11 वीच्या विद्यार्थीनीने कॉलेजच्या टॉयलेटमध्ये दिला बाळाला जन्म, पोक्सो अंतर्गत गुन्हा दाखल

Class 11 Girl Delivers In College Toilet: कर्नाटकातील कोलार जिल्ह्यातील एका खासगी प्री-युनिव्हर्सिटी कॉलेजमध्ये शिकणाऱ्या 17 वर्षीय मुलीने सोमवारी कॅम्पसमध्ये बाळाला जन्म दिला(Girl Deliver Baby in Karnataka College). एका पोलीस अधिकाऱ्याने सांगितले की, ती मुलगी इयत्ता 11वीत शिकत होती. मुलीने कॉलेजच्या टॉयलेटमध्ये तिच्या बाळाला जन्म दिला. सध्या माता आणि अर्भक दोघांना रुग्णालयात हलवण्यात आले आहे. घटनेची माहिती मिळताच मुलीच्या पालकांनी कोलार महिला पोलीस ठाण्यात जाऊन तक्रार दाखल केली.(हेही वाचा:Chhapra Lady Doctor: ‘तीनदा गर्भपात करावा लागला, इतर कोणत्याही मुलीचे आयुष्य उद्ध्वस्त होऊ द्यायचे नव्हते’; प्रियकराचे प्रायव्हेट पार्ट कापणाऱ्या महिला डॉक्टरचे गंभीर आरोप (Watch Video) )

एका पोलिस अधिकाऱ्याने सांगितले की त्यांनी हे प्रकरण हाती घेतले आहे आणि आरोपींना पकडण्यासाठी शोध सुरू केला आहे. “मुलगी आणि आरोपी गेल्या दोन वर्षांपासून रिलेशनशिपमध्ये होते. मुलगी गरोदर होती पण कुटुंबाला मुलीची गर्भधारणा कशी लक्षात आली नाही आणि तिने माहिती का लपवली हे अजूनही एक समोर आले नाही. बाळाला जन्म दिल्यानंतर मुलीची प्रकृती स्थिर आहे. महिला समुपदेशकाच्या मदतीने तिची तपासणी केली जाईल असे एका पोलीस अधिकाऱ्याने सांगितले.

पोलिसांनी सांगितले की त्यांनी भारतीय मुलांचे लैंगिक गुन्ह्यांपासून संरक्षण (पोक्सो) कायद्याच्या कलम 6 (अग्रॅव्हेटेड पेनिट्रेटिव्ह लैंगिक अत्याचार) आणि कलम 376 (2) (एन) (त्याच महिलेवर वारंवार बलात्कार करणे) अंतर्गत गुन्हा दाखल केला आहे.

नवीन फौजदारी कायदे लागू झाल्यानंतर या प्रकरणाची नोंद झाली असली तरी, कथित गुन्हा नऊ महिन्यांपूर्वी घडला असून या प्रकरणात नवीन कायदे लागू होणार नाहीत, असे एका पोलीस अधिकाऱ्याने सांगितले.