Chardham Yatra: चारधाम यात्रेसाठी आणखी वाट पाहावी लागणार, या तारखेपर्यंत ऑफलाइन नोंदणी बंद

Chardham Yatra:  चारधाम यात्रेची ऑफलाइन नोंदणी ३१ मेपर्यंत बंद करण्यात आली आहे. प्रवासाची व्यवस्था लक्षात घेऊन हा निर्णय घेण्यात आला आहे. सीएम धामी यांनी यासंदर्भात आवश्यक मार्गदर्शक सूचना दिल्या आहेत. चार धाम यात्रेसाठी आलेल्या गर्दीमुळे यात्रेचे स्लॉट फुल्ल झाले आहेत, त्यानंतर हरिद्वारमधील नोंदणी काउंटर पर्यटन विभागाने बंद केले आहेत. चारधाम यात्रेसाठी जमलेल्या भाविकांची प्रचंड गर्दी लक्षात घेता, उत्तराखंड सरकारने यात्रेकरूंना विनंती केली की, त्यांनी नोंदणी करताना दिलेल्या तारखेलाच भेट द्यावी आणि त्यांचा वैद्यकीय इतिहास लपवू नये जेणेकरून प्रवास सुखकर राहील.

सीएम पुष्कर सिंह धामी यांनी त्यांच्या एका पोस्टमध्ये पर्यटन स्थळांसाठीच्या योजना तयार करा यावर लिहिले आहे. "चार धाम यात्रेसाठी देवभूमी उत्तराखंडमध्ये नोंदणीशिवाय येणाऱ्या पर्यटकांच्या सोयीसाठी पोलीस आणि पर्यटन विभागाने परस्पर समन्वयाने चार धाम व्यतिरिक्त राज्यातील इतर धार्मिक आणि आध्यात्मिक पर्यटन स्थळांसाठीचा आराखडा तयार करावा".