Murder: गाणी ऐकण्यावरून पिता-पुत्रामध्ये वाद पोहोचला शिगेला, आवाज कमी करण्यास सांगितल्याने वडिलांची केली हत्या

लुधियाना (Ludhiana) जिल्ह्यातील जगरांव येथील लाखा गावात सोमवारी उशिरा एका व्यक्तीने आपल्या वडिलांवर प्राणघातक हल्ला केला. वडिलांचा मृत्यू झाल्याचे समजल्यानंतर पोलिसांनी मंगळवारी उशिरा त्या व्यक्तीविरुद्ध एफआयआर नोंदवला. वडील आणि मुलामध्ये वूफरवर मोठ्या आवाजात संगीत वाजवल्याने त्यांच्यात भांडण झाले. खूप उशीर झाल्यामुळे वडिलांनी त्याला थांबण्यास सांगितले पण मुलाने त्याच्यावर लाकडी दांडक्याने हल्ला केला. करम सिंग असे आरोपीचे नाव असून पीडितचे नाव जगरूप सिंग असे आहे. पोलिसांनी आरोपीला अटक केली आणि पीडितचा मुलगा दविंदर सिंग याच्या जबाबाच्या आधारे एफआयआर नोंदवला. हेही वाचा Uttar Pradesh Shocker: उत्तर प्रदेशमध्ये 6 वर्षीय मुलीवर बलात्कार, टीव्ही पाहण्याचे आमिष दाखवून आरोपीचे कृत्य; बुलंदशहर येथील घटना

दविंदरने सांगितले की, करम त्यांच्या वडिलांशी किरकोळ कारणावरून भांडत असे. रात्री 9.30 च्या सुमारास करम वूफर वापरून मोठ्या आवाजात संगीत वाजवत होता.  सर्वांची झोपायची वेळ असल्याने माझ्या वडिलांनी करमला संगीत थांबवून झोपायला सांगितले.पण करमने नकार दिला आणि त्यामुळे भांडण झाले, दविंदर म्हणाला.